Ein 56 år gamal mann vart køyrd til St.Olavs hospital etter ei trafikkulykke under jernbanebrua i Klettbakkane på E6 sør for Trondheim onsdag ettermiddag.
Bilen blei vippa rundt og hamna utanfor vegen.
Tre personbilar og ein tankbil var innblanda i kjedekollisjonen. 56-åringen blei påkøyrd bakfrå av tankbilen, og bilen hans blei vippa rundt og hamna utanfor vegen, opplyser politiet. Mannen blei sendt i ambulanse til sjukehus med rygg- og nakkesmerter.
Det var tett trafikk på E6 då ulykka skjedde, og det danna seg raskt lange køar på begge sider av ulykkesstaden. E6 var stengd i vel ein halvtime etter ulykka, men er no opna for trafikk igjen.