Trenar Gøril Kringen er godt nøgd med 1-1 mot Kolbotn på heimebane i serieopninga.
- Dei leiar til vi er tre minutt på overtid, då lagar vi utlikningsmålet og opplever at vi er nøgd med eitt poeng i dag, seier Kringen til NRK Trøndelag rett etter kampen.
Viktig poeng
Eitt poeng er viktig både mentalt og med tanke på tabellen.
- I fjor tapte vi slike kampar 1-0, i år utlikna vi på overtid, så det er ein kjempestyrke for laget og viktig mentalt å kunne komme tilbake i kampar der ein ikkje spelar spesielt god fotball, seier Kringen.
Går for topp fem
Trondheim-Ørn blei nummer ni i fjor, i år er målsettinga å komme på øverste del av tabellen.
- Vi ønskjer å vere topp fem, så får vi sjå om det går. Og går det, kan vi kanskje hamne enno høgare også, seier Kringen.
Les også:
Ho legg til at Stabæk og Røa skil seg ut frå resten av laga i Toppserien, og at det blir eit bikkjeslagsmål om plassane bak dei to.