NRK Meny
Normal

Gjeldstynga Norske Skog i motvind

Milliardkonsernet Norske Skog som vart starta på Skogn i Nord-Trøndelag, slit stygt med gjeld dei ikkje lenger kan handtere.

Norske Skog, Skogn

Norske Skog er i akutt gjeldstrøbbel. Her Norske Skog sin morfabrikk i Skogn i Nord-Trøndelag.

Foto: Tariq Alisubh / NRK

Norske Skog-konsernet med 2700 tilsette, må freiste finne andre løysingar på den akutte gjeldsklemma dei er oppe i, etter at selskapet i går innrømte at dei ikkje fekk ja frå nok kreditorar i ein plan om å få sletta ein del av gjelda som er på 8 og ein halv milliard.

Strid mellom amerikanske fond

Konsernet kom ikkje i mål med planen, fordi det vart strid mellom dei største amerikanske gjelds-givarane om kven som tapte mest, slik avtalen var sett saman.

Eit av verdas største investeringsfond – Blackstone, har lånt ut mykje penger i usikra lån til Norske Skog, og freister få betre sikring for sine investeringar i selskapet. Mens Citibank er den andre grupperinga i denne striden, som mellom anna har ført til ein dom i ein domstol i New York denne veka.

Ny frist gir truleg same resultat

Ein utsett frist på dagens tilbod til kreditorane med ny dato for å seie ja 21. mars, er ikkje venta å gi endra resultat for selskapet.

Norske Skog er i ei sers akutt gjeldskrise, selskapet har ikkje pengar dei neste par åra til å betale tilbake renter og avdrag på alt dei skylder.

Dagens Næringsliv skreiv i går at gjelda til papirgiganten no i realiteten er på 12 og ein halv milliard, og at selskapet kan kome til å sette norsk rekord i misleghald av gjeld.

Orienterte børsen om situasjonen

Norske Skog sende ut børsmelding om situasjonen i fredag ettermiddag. Den var ikkje lysteleg lesing, verken for selskapet sine tilsette i Trøndelag, eller alle dei skogeigarane som på eit eller anna vis har vore delaktige i oppbygginga av Norske Skog gjennom femti år, i Trøndelag og Noreg.

Ein realitet er no at selskapet enten kan gå mot ein konkurs, eller at papirgiganten kan bli kjøpt opp av eit større konsern.

Video fra Trøndelag

Midtnytt
Jens Kvernmo får fisk i forteltet sitt. Se serien på NRK1 tirsdager klokken 20.25