Tirsdag 28. juli er det duka for sterke opplevingar i Borggården på Stiklestad i Verdal.
Då besøker nemleg Åge Aleksandersen og Mikael Wiehe Olsokdagane. Dette er den einaste konserten duoen held i Noreg i sommar.
- Vi er glade for å kunne presentere Aleksandersen og Wiehe for publikum, her på Stiklestad, under Olsokdagane. Billettane til konserten er no lagt ut for sal, og publikum kan begynne å glede seg til Aleksandersen og Wiehe entrar scenen og inviterer publikum inn i sitt musikalske skattkammer, seier marknadssjef ved Stiklestad Nasjonale Kultursenter Viggo Iversen i ei pressemelding.
Variert repertoar
Begge artistane har lang fartstid som musikarar. Det gir duoen eit enormt repertoar å velje i. Målet er å ta publikum med inn i stemningsberande historiar om kjærleik, livet, samfunnet og artige opplevingar frå livet på vegen.
Aleksandersen og Wiehe bind konserten saman med å fortelje historiane bak songane. Dei går djupare og utfyller kvarandre før dei glir over i neste song.
- Dei kjenner kvarandre godt og samspelet er meisterleg, seier Iversen.
Populære karar
Duoen heldt 22 konsertar på forrige turne. Alle blei selt ut. Dei har også spelt saman i 50 års dagen til statsminister Jens Stoltenberg.
Les også:
Til konserten i Borggården på Stiklestad er det lagt ut 700 billettar.
Konserten startar kl 2130.
