I vinter måtte fleire vente lenge på bussen i Nord-Noregs største by. Sjøførmangel bidrog til at bussar gong på gong blei innstilt.
Det er stor sjåførmangel i heile landet, og busselskapa fortel at rekruttering er ei stor utfordring
Difor måtte dei tenkje nytt.
Troms fylkeskommune og Tide Buss gjekk i vinter saman om eit nytt tilbod. Dei tilbyr gratis bussjåførutdanning til nye sjåførar.
No ser dei ut til å til å lykkast.
Fleire søkjarar enn venta
Så langt har dei fått 55 søkjarar.
– Det var fleire søkjarar enn vi hadde trudd det skulle komme, seier busselskapet Tide sin områdeleiar, Magnar Nilsen.
Dei hadde i utgangspunktet planar om å gi 15 personar gratis utdanning. No har dei økt antalet til 25.
– Vi er veldig godt fornøgd med responsen.
Magnar Nilsen er områdesjef for Tide Buss i Tromsø.
Foto: Hans L. Andreassen/NRKKoster 100.000 kroner
Kandidatane som får tilbod om gratis utdanning, og som gjennomfører denne, vil etterpå bli tilsette i fast jobb i tide, med tre års bindingstid.
Han seier det kostar omkring 100.000 kroner for ein person å ta førarkort for buss. Han trur det har gjort.
– Når du slepper det og får utdanninga finansiert mot å få ein fast jobb i tillegg, trur eg veldig mange har ønska å prøve det ut
- Sjøførmangelen er ei nasjonal utfordring. Busselskap opplever også at dei utanlandske arbeidstakarane har mista interessa.
Rekordmange busspassasjerar
I fjor blei det sat ny rekord i talet på kollektivreiser i Troms fylke, med over 20 millionar gjennomførte reiser.
I dei to største byane i fylket, Tromsø og Harstad, var auken på høvesvis 20 og 13 prosent på bybussen, mens fylket sett over eitt hadde ein auke på 17 prosent.
– Det er svært gledeleg å sjå at folk kjem seg frå A til B ved kollektivtransport. At vi no passerer 20 millionar reiser i året er ein stor milestolpe, sa Bjørn Kavli, samferdselssjef i Troms fylkeskommune i februar.
