Hopp til innhold

Ofra eige EM-løp då lagkompis kollapsa: – Må ta vare på kvarandre

Vebjørn Hovdejord (19) hadde fått ein perfekt start på EM-løpet sitt, så fall lagkameraten om.

Vebjørn Hovdejord hjelper Abdullahi Dahir Rabi.

STOPPET: Her hjelper Vebjørn Hovdejord lagkompisen Abdullahi Dahir Rabi under EM-løpet.

Foto: Atleticamente Foto

Eg kjende meg pigg i starten av løpet, men nokre gonger er ikkje resultatet viktig nok for at ein venn skal liggje igjen på bakken midt i løypa, seier Vebjørn Hovdejord til NRK.

19-åringen låg akkurat der han ville plasseringsmessig etter ein runde under EM i terrengløp i Torino.

Men, plutseleg fall lagkamerat Abdullahi Dahir Rabi saman like framfor han. Då stoppa 19-åringen sin eige løp for å hjelpe.

Då eg sprang forbi, såg eg at han låg der. Første gong trudde eg han berre hadde falle, så eg byrja å springe forbi. Men eg såg at han låg så rart, så då snudde eg igjen, fortel Hovdejord.

Les også Hyllet storebrors 23. plass etter gulløpet: – Helt sykt

Henrik og Jakob Ingebrigtsen

Kollapsa

Rabi var ein av dei store favorittane til å vinne juniorklassen i årets meisterskap. Etter rundt seks og eit halvt minutt sa det stopp. Opp ei lita bakke la han seg ned, medan konkurrentane sprang forbi.

– Der kneler Rabi totalt. Han er heilt utanfor og legg seg ned, sa ekspertkommentator Vebjørn Rodal.

Då løparane passerte same stad nokre minutt seinare, kunne ein sjå fire personar frå Røde Kors stod over Rabi. Like etter vart han frakta ut av løypa, og boren inn i ein ambulanse.

TV-sjåarane fekk ikkje sjå at lagkameratane Hovdejord og Esten Hansen Møllerud Hauen stoppa sine eige løp for å sjekke tilstanden hans.

– Det var ikkje noko kontakt å få med øya. Rabi var heilt fjern i fjeset, så eg prøvde å få kontakt med han og få han opp på beina, men beina bar han ikkje. Så då var det berre å dra han ut av løypa, så han kunne få hjelp, forklarer Hovdejord.

Stivna til

Hovdejord og Hauen heldt løpet fram sitt etter pausen, men då merka Hovdejord det på kroppen.

Eg måtte ned på kne og løfte på han. Då eg skulle byrje å springe igjen, vart eg stiv med eingong, så eg brukte halvannan runde på å bli kvitt syra, og då var det eigentleg for seint, seier det unge løpstalentet.

Han hamna til slutt på ein 30.-plass, medan Hauen vart beste nordmann på ein sjuandeplass.

I fjor haust vart Hovdejord nummer 14 under EM i terrengløp, den gong i Irland. I 2021 tok han sjuandeplass på 5000 meter under U-20 EM.

NM friidrett 2021

MÅL: EM i terrengløp var det store målet i sesongen for Hovdejord.

Foto: Annika Byrde / NTB

– Det var eit veldig viktig løp for deg – var du nokon gong i tvil om å stoppe?

Ja, eg sprang jo forbi, men det gjekk veldig mange tankar gjennom hovudet. Det var først og fremst om eg skulle springe vidare, og om kor ille det var, svarer Hovdejord.

Løpetalentet seier at han ikkje angrar på at han hadde stoppa då han løp vidare etter å ha hjelpt Rabi. Likevel innrømmer Hovdejord at han i etterkant sit igjen med litt blanda kjensler.

– Viss eg tenkjer på mitt eige resultat, så gjekk det jo utover det. Men eg er glad for at eg snudde. Vi var jo på eit lag, og då må ein ta vare på kvarandre, avsluttar 19-åringen.

Abdullahi Dahir Rabi på sykehus i Torino

INNLAGT: Abdullahi Dahir Rabi har vore fleire dagar i sjukehussenga i Italia, no har han vorte skrive ut.

Foto: Privat

Ute av sjukehuset

Rabi hugsar ikkje at han svima av, men har fått med seg at lagkameratane hjelpte han ut av løypa.

– Det er veldig bra gjort av dei. Det betyr mykje å sjå at dei prioriterte meg i staden for løpet. Og ikkje berre det, men dei kom også på femteplass på lagkonkurransen. Eg er veldig stolt av dei, seier Rabi til NRK.

Etter å ha lege nokre dagar til observasjon på sjukehuset i Torino, vart han onsdag skrive ut.

– Eg kjenner meg veldig bra, avsluttar han.

Siste nytt

  • Postecoglou vil ruste opp Tottenham-angrepet: – Ingen hemmelighet

    Spurs-sjef Ange Postecoglou ønsker å forsterke angrepet sitt foran neste Premier League-sesong.

    Hans første prioritet er å få en avgjørelse om hvorvidt Timo Werners lån skal gjøres permanent.

    Australieren styrte Tottenham til femteplass, men mistet Champions League-spill etter en svak avslutning i sin første sesong i sjefsstolen. Han er klar på at overganger vil være nødvendig for å bygge videre på prestasjonene når den neste sesongen starter i august.

    – Det er ingen hemmelighet. Dere så hvordan vi avsluttet sesongen. Vi mistet riktignok Richarlison og Timo med skader, men vi er ganske tynne på det området, sa Postecoglou på onsdagens pressekonferanse. (NTB)

    Wayu-UBPDz0
    Foto: AP
  • Howe raser mot Chelseas Pochettino-sparking: – Trist for Premier League

    Newcastle-trener Eddie Howe er ikke imponert over Chelsea etter at de sparket trenerkollega Mauricio Pochettino.

    – Jeg synes det er trist for Premier League når en manager mister jobben. Jeg synes det er spesielt hardt med tanke på at hans prestasjoner har vært veldig sterke, sa Howe.

    Argentineren fikk sparken denne uken etter bare ett år i jobben, til tross for at han ledet Chelsea til en sjetteplass og spill i Europa neste sesong – tre poeng foran Newcastle på sjuende.

    – Jeg ble veldig overrasket, sa Howe på pressekonferansen i Melbourne etter å ha vunnet en treningskamp mot Tottenham onsdag kveld. (NTB)

    Bs9PMGqhZe4
    Foto: AP
  • Åpner opp om Reichenberg-dødsfallet: «Valgte å forlate oss»

    Den norsksvenske ishockeyspilleren Alexander Reichenberg (31) døde 5. mai. I dødsannonsen fra familien kommer det frem at Reichenberg tok sitt eget liv.

    «Ett hjärta av godhet har slutat att slå. Ditt hjärta som bankat så varmt för oss alla, och ögon som lyste och strålade så ömt, har stannat och slocknat till sorg för oss alla. Vad du har gjort kommer aldrig att glömmas.»

    Det var Gudbrandsdølen Dagningen som omtalte saken først.

    Begravelsen til den tidligere ishockeyspilleren er 31. mai ved Nordre Ål kirke.

    – Vi vil takke for all støtten vi har fått, sier broren Elias Reichenberg til avisen. Familien ønsker ikke å kommentere dødsfallet ytterligere.

Sendeplan

Kl. Program Kanal