NRK Meny
Normal

Svensson etter stjernemøtet: – Er kanskje ikkje så god likevel

BRUSSEL/OSLO (NRK): Etter ein strålande kamp mot Island, kom Jonas Svensson (23) raskt ned på jorda igjen etter 85 minutt mot Chelsea-stjerne Eden Hazard.

FBL-EURO-2016-FRIENDLY-BEL-NOR

TØFT: Jonas Svensson meir enn nok å henge fingrane i mot Chelsea-stjerna Eden Hazard.

Foto: JOHN THYS / Afp

Laster innhold, vennligst vent..

– I Norge har eg fått mykje skryt for spelet i eliteserien, men her fekk eg merke at eg kanskje ikkje er så god likevel, seier Jonas Svensson smilande til NRK etter Belgia-kampen.

Gjennom 90 minutt mot Belgia fekk han kjenne på kva nivå nokon av dei beste spelarane i verda heldt, og på kanten veksla Eden Hazard og Napolis Dries Mertens på å spele mot Svensson på høgreback.

Spelte seg opp

I 3–2 sigeren mot Island var Svensson ein av Norges beste spelarar, men mot Belgia fekk han ein håplaus start då han flikka ballen vidare til Romelu Lukaku som scora 1–0 målet, før det var gått tre minutt.

– Vi treng vel ikkje snakke om starten på kampen, seier Svensson til NRKs reporter i pressesona etter kampen.

Svensson

ANGREP: Her jublar Jonas Svensson etter ein målgjevande pasning til Rosenborg-spiss Christian Gytkjær. Mot Belgia hadde han nok å henga fingrane i bakover på bana.

Foto: Alley, Ned / NTB scanpix

Men etter dei første ti minutta spelte Svensson og det norske laget seg opp, og snudde kampen mot Belgia, som er ranka som nummer to på FIFA-rankinga.

– Eg vart sett på mykje større prøvar defensivt i denne kampen enn det eg har gjort før. I Rosenborg angrip vi ofte, så eg trur at eg hadde godt av, seier Svensson.

Han får støtte av NRKs fotballekspert, Lise Klaveness.

– Sjølv om han ikkje er tipp-topp nøgd med seg sjølv etter denne kampen, så trur eg inst inne at han tenkjer at han vil ta dette nivået om han får litt tid på seg, seier ho.

Trening neste

Med tre landskampar i sekken, reiser Svensson no heim til Norge og Rosenborg. På agendaen står meir trening.

– Dei var raskare og sterkare i kroppen enn det eg er vand med. Ein trur ein har kontroll og så plutseleg er dei vekk. Det var nokre nivå opp frå det eg har spelt på før, så no får eg ta med meg dette og reise heim for å trena, seier Svensson.

– Eg føler at eg har blitt nokre prosent betre etter denne kampen, så det tar eg med meg, legg han til.

Siste nytt

  • Kirkevold forlenget målrekorden

    Pål Alexander Kirkevold bøtter inn mål i den danske superligaen. Søndag scoret Hobro-spissen i sin tiende kamp på rad i 4-0-seieren over Nordsjælland, skriver NTB. Den forrige rekorden var mål i åtte kamper på rad.

    Kirkevold
    Foto: Henning Bagger / Scanpix Denmark / NTB scanpix
  • Bjørgen måtte utsette høydeopphold

    Marit Bjørgen har vært smittet av streptokokker og måtte utsette avreisen til landslagets høydesamling i Val Senales, skriver Adresseavisen. 37-åringen skulle egentlig slutte seg til landslaget i Italia onsdag, men ankommer først søndag, skriver avisen.

    Bjørgen
    Foto: Fredrik Hagen / NTB scanpix
  • Márquez økte VM-ledelsen

    Marc Márquez har 33 poeng til nestemann i VM-sammendraget etter å ha kjørt inn til en overlegen seier i Australias Grand Prix i roadracing. Triumfen sørget for at Márquez har ytterligere 22 poeng ned til Andrea Dovizioso i sammendraget, skriver NTB.

    Marquez
    Foto: Andy Brownbill / AP

Sendeplan

Kl. Program Kanal
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
Sportsrevyen
4-4-2 Eliteserien fotball: Brann - Rosenborg