Hopp til innhold

Freser etter Fifa sitt sko-svar: – Det heng ikkje saman

Fifa ser ikkje problemet med at VM-spelar Gaël Ondoua (27) har pynta skoa sine med eit russisk flagg. Det får ekspertar til å sjå raudt.

Kopier referanse Gael Ondouas sko under Kamerun-Sveits i VM i Qatar

RUSSISK FLAGG: Ekspertane er nådelause i vurderinga av denne skopynten.

Foto: Petr Josek / AP Photo/NTB Scanpix

– Viss dette ikkje medfører sportsleg reaksjon, så viser det igjen kor ute å køyre Fifa er, seier Berit Lindeman til NRK.

Ho er generalsekretær i Helsingforskomiteen, og ho kjenner godt til idretten frå rolla si som medlem i Noregs fotballforbunds etiske komité.

– Dette er ei politisk markering som blir oppfatta som støtte til eit utestengt lag, konkluderer ho.

NRKs fotballekspert Carl-Erik Torp stemmer i:

Carl-Erik Torp

REAGERER: Carl-Erik Torp

Foto: NRK

– Eg tenkjer at det er fullstendig umusikalsk. Han viser fullstendig mangel på takt og tone og forståing for den anstrengde situasjonen som Europa er i, seier han.

– Dette står fram som ein provokasjon for ekstremt mange menneske, seier Torp.

– Fifa må rydde opp

Handlinga som får duoen til å frese, er skovalet til Kamerun-spelar Gaël Ondoua i VM-kampen mot Sveits torsdag. Biletet viser nemleg at 27-åringen hadde eit russisk flagg på skoa sine, sjølv om Russland er utestengt av internasjonal fotball på grunn av krigen i Ukraina.

Ondoua har russisk pass, har delvis vakse opp i Russland, og har spelt i fleire russiske klubbar.

– Det er ikkje sikkert at han meiner det som ein provokasjon. Han har hatt mange viktige år i Russland, han kjenner seg sikkert litt russisk, men akkurat no blir det ein provokasjon, seier Torp.

Lindeman er samd.

Berit Lindeman

REAGERER: Berit Lindeman

Foto: PRIVAT

– Dette er ei medviten handling for å gjere ei markering, og ein finger i auget til avgjerda om å stengje ute Russland.

Begge trekkjer fram den omdiskuterte avgjerda til Fifa om å forby regnbogekapteinsbind, og at den russiske skopynten til Ondoua ser ekstra ille ut i lys av det.

– Uttrykk for fotballen og Fifa sine eigne verdiar, slik som likeverd, likestilling og One Love, som openbert burde omfattast av ytringsfridommen til spelarane, blir forbode. Medan politiske uttrykk blir sett gjennom fingrane med. Fifa må rydde opp, samanfattar Lindeman.

– Reint moralsk sett, så kjenner eg at Fifa må komme på bana, legg Torp til.

Kopier referanse Gael Ondouas sko under Kamerun-Sveits i VM i Qatar

DETALJEN: Gaël Ondoua spelte med russisk og kamerunsk flagg på skoa under VM-kamp.

Foto: Petr Josek / AP Photo/NTB Scanpix

Fifa til NRK: – Ikkje noko problem

Men verken Torp eller Lindeman får sine bønner høyrt. Giovanni Marti, pressekontakt i Fifa, stadfestar overfor NRK av dei er klar over saka, og at dei ikkje ser problemet med dei russiske flagga.

– Eg kan fortelje deg at disiplinærutvalet veit om dette, men det er ikkje noko problem her fordi han er oppvaksen i Russland. Han er frå Kamerun og Russland, og dette er berre flagga til landa hans.

– Men Fifa har nekta det russiske forbundet frå å konkurrere, og de har også sagt at russiske flagg ikkje er tillate?

– Disiplinærutvalet er klar over skoa hans, men det er ikkje noko problem. Han er frå Kamerun og Russland. Han har dobbelt statsborgarskap.

Les også Flagget i VM-garderoben skaper raseri – nå åpner Fifa disiplinærsak

Serbisk flagg

– Er ikkje dette ein mykje større politisk markering enn å bruke One Love-kapteinsbindet?

– Det vil eg ikkje gå inn i detaljar på. Det er alt eg vil seie.

Det får Lindeman og Torp igjen til å reagere.

– Det er ein total ansvarsfråskriving frå Fifa. Det er denne markeringa Fifa skulle hatt ei reaksjon på, ikkje One Love. Fifa går rett og slett i ball med prinsippa sine, seier Lindeman.

– Det heng ikkje saman, det gjer ikkje det. Eg tenkjer at dei vel ein veldig feig løysing på det. Dei tørr jo ikkje å gå framfor her og ta noko standpunkt, seier Torp.

– Kjem aldri til å slutte med det

Ondoua er ein populær mann i Russland, og skostuntet har slått an i kamerunaren sitt andre heimland.

– Aldri gløym kvar du kjem frå, skriv russiske Match TV på Twitter, med eit bilete av skoa.

Fredag publiserte den russiske sportsavisa Sports.ru eit ope brev frå 27-åringen, der han fortel om kjærleiken sin til Russland, og laurdag har han late seg intervjue av Sport-ekspress om dei kontroversielle skoa.

Gael Ondoua møtte pressen i Doha fredag 25. november

MØTTE PRESSA: Gaël Ondoua møtte pressa i Doha fredag.

Foto: ISSOUF SANOGO / AFP

Eg speler alltid i fotballsko med flagg, og eg kjem aldri til å slutte med det. Russland er heimen min, det same er Kamerun. Kvifor skal eg gi opp huset mitt?

– Har ingen sagt at det kan vere problematisk?

– Kva er problemet? Viss nokon kjem bort til meg og stiller spørsmål, vil eg svare på dei. Vi er frie i handlingane våre. Sjølv om det er klagar på støvlane mine, vil eg framleis prøve å bruke dei, seier Hannover-spelaren.

Siste nytt

  • Bellingham senket Barcelona i El Clásico på overtid

    Barcelona tok ledelsen to ganger i El Clásico, men det gikk mot 2-2 og status quo i gullkampen i La Liga inntil Jude Bellingham ga Real Madrid seieren.

    Det skjedde på overtid og på pasning fra Lucas Vázquez, som var involvert i alle de tre hjemmemålene på en dag da seriegullet i praksis ble sikret.

    Lucas Vázquez og Vinicius Junior samarbeidet om to utligningsmål tidligere i kampen, og Real Madrid økte med seieren sitt forsprang til serietoer Barcelona til hele elleve poeng når seks serierunder gjenstår. (NTB)

    Champions League - Quarter Final - Second Leg - Manchester City v Real Madrid
    Foto: Molly Darlington / Reuters
  • Storhamar med råsterk borteseier mot Vålerenga

    Storhamar tok et langt stek mot NM-gull i ishockey da Vålerenga ble slått 4-2 i Oslo søndag kveld.

    De gulkledde leder nå 3-1 i kamper og kan sikre NM-gullet med hjemmeseier på Hamar tirsdag.

    NM-sluttspillet ishockey menn, 4. finalekamp: Vålerenga - Storhamar
    Foto: Stian Lysberg Solum / NTB
  • Glimt gikk på sesongens første poengtap

    Glimt fikk en drømmestart i toppkampen mot Molde da Nino Zugelj stanget inn 1–0 etter kun syv minutter.

    Men Molde kjempet seg tilbake i oppgjøret. Ti minutter ut i andre omgang rev Kristoffer Haugen seg fri på bakerste stang, og pirket et innlegg fra Kristian Eriksen over målstreken.

    Dermed gikk Bodø/Glimt på sitt første poengtap for sesongen, mens Molde unngikk å gå på sitt andre strake tap.

    De to deler tabelltoppen med Brann, alle på ti poeng. Men Glimt har en kamp mindre spilt enn rivalene.

    Bodø/Glimt-spillere feirer etter målskåring på Aspmyra 21. april
    Foto: Kåre Riibe Ramskjell / NRK

Sendeplan

Kl. Program Kanal