NRK Meny
Normal

Spania-sjefen fekk sparken dagen før VM: – Heilt forferdeleg timing

Tysdag vart Julen Lopetegui annonsert som ny Real Madrid-trenar. No har han fått sparken frå Spania.

FILES-FBL-WC2018-ESP-PRESSER

Julen Lopetegui flankert av dei sentrale spanske spelarane Sergio Ramos (til venstre) og Andrés Iniesta.

Foto: GABRIEL BOUYS / AFP

Det kom fram under ein pressekonferanse i Russland. Fernando Hierro skal no leie Spania gjennom VM. Hierro kjem frå jobben som sportsdirektør i det spanske fotballforbundet.

Tysdag vart det annonsert at Lopetegui tek over som trenar for Real Madrid etter Zinedine Zidane, som gav seg etter storklubbens tredje strake Champions League-triumf.

2018 FIFA World Cup Draw

TEK OVER: Fernando Hierro skal leie Spania gjennom VM

Foto: Maxim Shemetov / Reuters

Det skjer trass i at Lopetegui så seint som i mai skreiv under ein ny toårskontrakt med Spania. Etter heftige spekulasjonar sidan tysdag kveld bekrefta fotballpresident Luis Rubiales at Julen Lopetegui må gå av.

– Det har vore ein veldig komplisert situasjon. Lopetegui sitt arbeid har vore upåklageleg, men vi vart tvinga til å gjere dette, seier Rubiales om sparkinga.

Thore Haugstad, NRKs fotballskribent som har budd 11 år i Madrid, omtalar sparkinga som heilt forferdeleg.

– Lopetegui har planlagt denne meisterskapen i to år no. Han har bygd ein spelestil og eit system som no blir rive opp, bokstavleg tala dagen før VM. Det er håplaust og heilt forferdeleg timing at han får sparken, seier Haugstad.

Føler seg ikkje svikta

Fotballpresident Luis Rubiales hevda under pressekonferansen at han ikkje føler seg svikta av Julen Lopetegui, men mislikar korleis saka har blitt handtert og ikkje minst tidspunktet for når Lopetegui vart annonsert som ny Real Madrid-trenar.

– Ein kan ikkje gjere slikt to-tre dagar før VM startar, seier Rubiales.

Han vil ikkje kritisere Real Madrid i spesielt stor grad.

– Dei har fått den beste trenaren dei kunne ha fått. Eg respekterer Julen svært høgt, men med denne timinga vart vi tvinga til å gjere ei endring.

Den spanske storavisa Marca melder på si side at fotballpresident Luis Rubiales skal vere svært bitter på Lopetegui.

x

Luis Rubiales (i midten) offentleggjorde i dag at Julen Lopetegui (til venstre) får sparken som Spania-trenar. Til høgre lagkaptein Sergio Ramos.

Foto: Pierre-philippe Marcou / AFP

– Bør vere nøytral trenar

At det spanske landslaget oftast består av mange spelarar frå dei to storklubbane Barcelona og Real Madrid har fleire gonger skapt intern uro. Derfor er det ekstra spesielt at Lopetegui skreiv under for Real Madrid like før meisterskapen.

Thore Haugstad

NRK sin fotballskribent Thore Haugstad har budd 11 år i Madrid og kjenner spansk fotball svært godt.

– Landslagstrenaren har jo alltid vore ein nøytral figur som skal prøve å vere fair med alle spelarane. Både Real Madrid og Barcelona har mange spelarar i troppen, og det ekstreme tilfellet er jo stopparduoen med Real Madrid-kaptein Sergio Ramos og Barcelona-spelaren Gerard Pique, som representerer dei katalanske verdiane, seier Haugstad.

Og utdjupar:

– Om Spania skal oppnå suksess er det svært viktig at desse spelargruppene fungerer godt saman og kan legge bak seg motsetningane for sommaren. Så får dei brått ein trenar som har tatt steget mot ei av desse gruppene. Det trur eg gir mange ei rar kjensle.

Spain Soccer Real Madrid Lopetegui

Julen Lopetegui tok over som Spania-trenar då Vicente del Bosque gav seg etter 2016-EM.

Foto: AP

Siste nytt

  • Norge møter vertsnasjonen Danmark

    Håndballgutta skal møte Danmark, Østerrike, Tunisia, Chile og Saudi-Arabia i VM-sluttspillet i 2019 etter at gruppespillet ble trukket i København mandag.

    – På papiret ser det bra ut, sier landslagssjef Christian Berge til Viasat.

    Christian Berge
    Foto: Vidar Ruud / NTB scanpix
  • Stabæk lanserer regnbuekortet

    Foran kampen mellom Stabæk og Haugesund har Stabæk trykket opp flere tusen «regnbuekort» i forbindelse med Oslo Pride.

    – Dette kan du bruke neste gang noen går over grensen på tribunen eller andre steder, sier Stabæk-kaptein Andreas Hanche-Olsen.

    Inge Andre Olsen og regnbuekortet
    Foto: Kristian Bjerke / Stabæk Media
  • Berget scoret to – ble matchvinner

    Jo Inge Berget scoret begge målene for New York City FC da de snudde 0–1 til 2–1 mot Toronto FC søndag.

    Først scoret han med hælen etter 51 minutter, og gjorde 1–1. Etter 68 minutter satte han sitt andre. Nordmannen ble kåret til banens beste.

    MLS: Toronto FC at New York City FC
    Foto: Vincent Carchietta / Reuters

Sendeplan

Kl. Program Kanal
FIFA Fotball-VM 2018: Uruguay - Russland og Saudi-Arabia - Egypt
4-4-2 Eliteserien: Odd - Brann
Fotball-VM: Iran - Portugal
FIFA Fotball-VM 2018: VM-studio
Fotball-VM: Spania - Marokko
FIFA Fotball-VM 2018: Spania - Marokko
FIFA Fotball-VM 2018: Iran - Portugal
FIFA Fotball-VM 2018 Iran - Portugal og Spania - Marokko og eliteserien Odd-Brann 2.omgang