Hopp til innhold

Sørum og Mol til topps i Hamburg, får storgevinst: – No kan vi klare oss sjølve

Christian Sørum og Anders Mol vann verdsseriefinalen i Hamburg. Dermed vinn dei heile 1,3 millionar kroner.

Christian Sørum og Anders Mol.

SUKSESS I SANDEN: Christian Sørum (til venstre) og Anders Mol.

Foto: Margret Helland

Den norske sandvolleyballduoen vann begge setta mot den polske duoen Michal Bryl og Grzegorz Fiajalek.

– Det er heilt uverkeleg. Målet var å kvalifisere oss til turneringa. No har vi vunne ho, seier Christian Sørum til NRK etter premieseremonien.

Nordmennene vann det første settet 21–19 og det andre 21–17.

Mol og Sørum

JUBEL: Anders Mol og Christian Sørum tok imot det synlege beviset på at dei hadde vunne den gjæve turneringa i Hamburg.

Foto: Margret Helland

Rekordstor premie

Ikkje berre er det ein stor sportsleg prestasjon. Christian Sørum og Anders Mol vinn meir pengar enn dei nokon gong har gjort.

150.000 dollar i pengepremie er nesten 1,3 millionar norske kroner.

– Vi har fått mykje støtte frå foreldra våre. Desse pengane betyr mykje. No kan vi klare oss sjølve, seier Christian Sørum.

Anders Mol legg til at det er store legender i sandvolleyball som aldri har vunne så store summar.

Rørt pappa

Og på tribunen sat pappa Kåre og var heilt frå seg.

– Eg klarer ikkje å tenke. Eg er berre utruleg stolt. At dei klarer å vinne fire på rad ... Eg er berre rørt, utmatta og veldig glad, seier Kåre Mol til NRK.

Og legg til at han er mektig imponert over roa dei to nordmennene viste i finalen i Hamburg.

– Det verkar som dei er i ein klasse for seg sjølv akkurat no, seier Mol.

Dette var den fjerde strake turneringssigeren til Sørum og Mol – inkludert triumfen i EM.

– Gullkandidat i OL

Også ex-spelar Tarjei Skarlund tok fram superlativa etter den overbevisande sigeren i Tyskland.

– Det er så høgt nivå og det er så fantastisk å sjå gutane gjere dette. Det er ei ære å vere her og oppleve dette. Røysta mi er heilt oppbrukt. Dette er ein stor dag, seier Skarlund til NRK.

– Kva er det som gjer Mol og Sørum så gode?

– Alt. Dei er gode på alt. Alle fasane i spelet, seier Skarlund.

Som meiner den norske suksessduoen er ein gullkandidat i Tokyo-OL om to år.

Germany Beach Volleyball

Anders Mol og Christian Sørum i aksjon under semifinalen i Hamburg fredag.

Foto: Georg Wendt / AP

– Heilt latterleg

Christian Sørum fortel at duoen har ofra mykje på vegen mot årets enorme sesong – det inkluderer både pengar og kjærastar.

– Og no losnar det endeleg for oss, smiler Sørum.

– Det er eigentleg heilt latterleg at vi som er berre 21–22 år skal klare å slå heile verdseliten. Men vi har trena mykje for dette. Og no har vi funne flyten, supplerer Anders Mol.

Og kjem med ei åtvaring til konkurrentane:

– Vi har meir potensial og kan bli betre for kvart år som kjem.

For historiebøkene

Etter den imponerande sigeren i Hamburg venta det også godord frå presidenten i volleyballforbundet, Eirik Sørdahl.

– Dette er ein dag for historiebøkene. Og ikkje minst er det imponerande at dei har vunne fire strake sigrar. Hugs at dei berre er tidleg i 20-åra. Anders og Christian kan dominere sporten i 10–12 år framover, seier Sørdahl til NRK.

Mol og Sørum

PALLEN: Anders Mol og Christian Sørum omkransa av sølv- og bronsevinnarane. Michal Bryl og Grzegorz Fiajalek frå Polen tok sølvet, medan Piotr Kantor og Bartosz Losiak – også dei frå Polen – sikra bronsemedaljane.

Foto: Margret Helland

Siste nytt

  • Fire argentinske fotballspillere arrestert for voldtekt

    Fire profesjonelle fotballspillere i Argentina ble mandag pågrepet for å ha voldtatt en kvinnelig sportsjournalist på et hotellrom tidligere denne måneden. Den 24-år gamle kvinnen sier hun ble med på et hotellrom med en av dem, sovnet, og ble voldtatt, melder AFP.

    Toppklubben Velez Sarsfield har suspendert de fire og satt i gang en intern etterforskning.

  • Tidligere Brann-profil dropper skjebnekamper – nå beklager han til lagkameratene

    Tidligere Brann-spiller Robert Taylor skapte irritasjon da han takket nei til å spille for Finland i torsdagens EM-skjebnekamp mot Wales. Nå forklarer han seg.

    Taylor, som også har en fortid i Tromsø, spiller til daglig sammen med superstjernen Lionel Messi i Inter Miami.

    Kampen mot Wales er semifinale i omspillet i nasjonsligaen.

    – Jeg har stor tro på at Finland i disse svært viktige kampene trenger spillere som er hundre prosent i form, slik at vi forhåpentligvis kan sikre oss en plass i EM. Det hadde vært egoistisk av meg å ta denne muligheten fra en annen spiller, skriver Taylor på Instagram.

    – Fordi dette var en svært vanskelig avgjørelse å ta, tok det lengre tid enn forventet å komme fram til denne løsningen. Jeg vet at det har satt laget i en utfordrende situasjon, så jeg vil be om unnskyldning til lagkameratene og trenerne mine, legger han til. (NTB)

    Taylor
    Foto: AP
  • Konow med sammenlagtseier i verdencupen i telemark

    Kaja Bjørnstad Konow tok sammenlagtseieren i øvelsen klassisk distanse i verdenscupen i telemark mandag.

    Det var Konows første sammenlagtseier i verdenscupen.

    Den norske profilen tok annenplassen i mandagens avslutningsrenn i franske Pra Loup. Det holdt til å ta verdenscupkula hjem til Norge.

    Konow vant med 30 poeng ned til franske Augustine Carliez, og hadde 76 poeng til en annen fransk løper, Laly Chaucheprat, på tredjeplassen.

    Gøril Strøm Eriksen sørget for en god norsk dag mandag med tredjeplass i avslutningsrennet.

    På herresiden er Trym Nygaard Løken tilbake for fullt i verdenscupen. Han tok seieren i herrenes renn og var 1,9 sekunder foran franskmannen Elie Nabot.

    Jacob Alveberg kjørte inn til femteplass. (NTB)

    Kaja Bjørnstad Konow
    Foto: Stian Lysberg Solum / NTB

Sendeplan

Kl. Program Kanal