Rashford herja da Solskjærs United tok livsviktig siger

Ein hardt pressa Ole Gunnar Solskjær fekk den etterlengta sigeren han trong. Og det i Jose Mourinhos gjensyn med Old Trafford.

Marcus Rashford

Marcus Rashford var kampens gigant og scora to mål mot Tottenham.

Foto: OLI SCARFF

Laster innhold, vennligst vent..

José Mourinho var langt ifrå å få den returen han drøymde om på Old Trafford. Ole Gunnar Solskjær som gjekk sigrande ut av managerduellen etter ein fortent siger.

– I store delar av kampen synest eg me var fantastiske i kveld, seier Solskjær etter kampen.

Beste prestasjonen han har hatt

Etter ei veke med mange spekulasjonar om at Solskjær er nær ved å miste jobben, gjorde spesielt ein mann kvardagen langt lettare for United-manageren.

Marcus Rashford herja tidvis med Tottenham-forsvaret og kunne scora langt fleire mål enn dei to han til slutt stod igjen med.

– Det er den beste prestasjonen han har hatt under meg. Han er modig, sterk og god mot eit godt lag med sterke spelarar. Det var akkurat som han var tilbake på leikeplassen i dag, gliste United-manageren.

Ingen revansje for Mourinho

Solskjær medga at dette var svært viktige poeng etter fleire kampar der dei har gitt bort poeng mot svakare motstand.

– Denne var svært viktig for oss. Me har spelt uavgjort seks gonger i år, det er for mange. Dette var viktig læring for oss etter det som har skjedd i dei siste kampane.

Den fyrste omgangen var av det svært underhaldande slaget på Old Trafford. Heimelaget gjekk rett i strupen frå starten av og fekk utteljing alt etter sju minutt.

Marcus Rashford banka til frå langt hald og ballen gjekk inn ved venstre stolperot bak ein Gazzaniga som burde hatt kontroll.

Solskjær og Mourinho

Ole Gunnar Solskjær vann managerduellen mot mannen han erstatta i fjor.

Foto: ANDREW YATES / Reuters

United dominerte store delar av omgangen fullstendig og både Rashford og Jesse Lingard var begge nær stjernetreff på langskot.

Like før pause utnytta bortelaget sin aller fyrste sjanse på best mogleg vis, da Dele Alli flikka ballen over to United-spelarar og avslutta lekkert i nettveggen bak De Gea.

Avgjorde på straffe

Solskjærs menn heldt fram trykket etter pause og etter fire minutt gav det resultat i straffespark. Marcus Rashford var både mannen som skaffa straffa og sette den iskaldt i mål.

Og viste nok ein gong at han er ein mann for dei største kampane. Rashford er nå oppe i 15 mål på 42 kampar mot topplaga i England.

– Me jobba hardt for dette resultat og viste at me kan spele bra mot gode lag, sa tomålsscorar Rashford i eit intervju vist på TV 2.

Etter uavgjort både mot Sheffield United og Aston Villa, i tillegg til tapet mot Astana, kunne Ole Gunnar Solskjær endeleg juble for siger.

Ein livsviktig siger etter ei veke med spekulasjonar og avisoppslag som seier han er på veg bort frå klubben.

Laurdag ventar byderby mot Manchester City for Ole Gunnar Solskjær.

Siste nytt

  • Skadesmell for Bayern München

    Bayern München-spiss Robert Lewandowski pådro seg en skade i kneet under mesterligakampen mot Chelsea, bekrefter klubben på Twitter. Nå er storscoreren ute i fire uker, og dermed går han glipp av returoppgjøret 18. mars. Spissen er toppscorer i mesterligaen med 11 mål – ett mer enn Erling Braut Haaland.

    Lewandowski
    Foto: TOBY MELVILLE / Reuters
  • Shaw roste Solskjær før Brugge-kamp

    Luke Shaw hyllet Ole Gunnar Solskjær på pressekonferansen før Manchester Uniteds returkamp i europaligaen mot belgiske Club Brugge. Oppgjøret i Beliga forrige uke endte 1-1.

    – Han har vært utrolig. Ikke bare for meg, men for hele laget. Han har klart å få oss alle til å smile. Han har vært fantastisk og gjengen har det veldig bra med ham, sa Shaw.

    Europaligaen er den andre muligheten for Solskjærs lag å kvalifisere seg til mesterligaen. På spørsmål om cupveien kunne være den letteste veien, svarte nordmannen:

    – Det er gode lag i europaligaen, og vi er nødt til å komme oss forbi Club Brugge først. Vi ser frem mot kampen.

    Britain Soccer Premier League
    Foto: Ian Walton / AP
  • Tennisstjerne legger opp

    Den russiske tennisspilleren Maria Sjarapova (32) legger opp. Det skriver New York Times. Sjarapova var på vei mot comeback etter å ha mottatt en 15 måneders utestengelse for å ha brukt det ulovlige stoffet meldonium. På veien tilbake har hun slitt med skader, og har nå bestemt seg for å legge opp. Sjarapova har vunnet fem individuelle Grand Slam-titler.

    FILE PHOTO: Maria Sharapova of Russia celebrates after defeating Sabine Lisicki of Germany in their semi-final match at the Wimbledon tennis championships in London
    Foto: Eddie Keogh / Reuters

Sendeplan

Kl. Program Kanal