Phelps: – Det gjer meg jævlig forbanna

Dopingdømte Julia Jefimova stod på pallen og blei bua ut av publikum etter OL-sølvet. Men det var ikkje berre folk på tribunene som var opprørt.

Phelps 3

FORBANNA: Svømmekongen Michael Phelps er ikkje nådig mot den russiske sølv-vinneren Julia Jefimova.

Foto: STEFAN WERMUTH / Reuters

OLYMPICS-RIO-SWIMMING-W-100MBREAST

LITE POPULÆR: Det var ingen varm velkomst for Julia Jefimova då ho kom på start på 100 m bryst i OL. No får ho også gjennomgå av Michael Phelps.

Foto: DAVID GRAY / Reuters

– At ho får svømme her gjer meg jævlig forbanna, er kraftsalven frå OL-kongen Michael Phelps.

Julia Jefimova er tatt for doping to gongar. Difor var det ingen i hallen som jubla då den kontroversielle russiske svømmestjerna tok OL-sølv på 100 meter bryst.

Også hos konkurrentane møtte ho ein isfront. Ingen gratulerte ho med medaljen.

– Det var aldri i mine tankar å gratulere henne med sølvet, sa gullvinnar Lilly King.

Og Michael Phelps, som tok sin 19. OL-medalje søndag, rasar over deltakinga til Jefimova.

– Eg meiner det er trist at vi har personar som ikkje berre har testa positivt éin gong, men to gongar, men som likevel får svømme i meisterskapet. Det knuser hjartet mitt. Og eg skulle ønskje at nokon kunne gjere noko med det, seier Phelps.

Julia Efimova

HELD FRAM: Julia Jefimova svømmer forsøksheat på 200 meter bryst onsdag kveld.

Foto: GABRIEL BOUYS / Afp

– Kjenner ikkje sanninga

Jefimova, som er regjerande verdsmeister på distansen, får lov å delta i OL trass i at ho nyleg blei utestengt i 16 månader for doping.

Tidlegare i år testa ho også positivt på det nyleg forbudte stoffet meldonium, men reaksjonen på det er satt på vent inntil vidare.

Ho var ein av sju russiske svømmarar som opprinneleg blei utestengt frå OL. Men så fekk ho lov å starte likevel, etter at den internasjonale idrettsdomstolen, CAS omgjorde dommen.

Reaksjonene etter OL-sølvet har påverka Jefimova.

– Mange har snakka dårleg om meg, men dei kjenner ikkje sanninga. Eg ønskjer ikkje å forklare meg, men eg forstår ikkje kvifor dei kan snakke slik om meg. Eg forstår nokre reaksjonar, men dei får tenkje kva dei vil, sa Jefimova til Viasat, ifølge nyhetsbyrået TT.

Svømmer vidare

Men Michael Phelps er likvel ikkje nådig.

– Det er trist at personar som testar positivt for doping får lov til å komme tilbake å konkurrere. Det gjeld ikkje berre i svømming, men i idretten generelt. Og dei får lov til å komme tilbake etter å ha blitt tatt fleire gongar, seier Phelps.

– Det bryt med kva idrett går ut på og det gjer meg forbanna, seier Phelps.

Men uansett kor forbanna Phelps måtte vere. Jefimova held fram OL-konkurransen med forsøksheat på 200 meter bryst onsdag kveld norsk tid.

Siste nytt

  • Snømangel i Falun kan hjelpe Klæbo

    Det er mangel på snø i Falun, derfor er den tradisjonelle tremila redusert til fellesstart på ein kortare distanse, melder Det internasjonale skiforbundet. Det er ei endring som kan gjere det lettare for Johannes Høsflot Klæbo i kampen for å ta igjen Aleksandr Bolsjunov i verdscupen. Verdscupløpa i Falun skal gå 8. og 9. februar.

    Klæbo
    Foto: Terje Pedersen
  • Eriksen landet i Milano

    Christian Eriksen (Tottenham) har landet i Italienske Milano. Dansken har vært sterkt linket til storklubben Inter, og det er ventet at han skal gjennom en medisinsk test i løpet av dagen.

    Laster Twitter-innhold
  • Juventus-smell mot Napoli

    Juventus tapte 1-2 borte mot Napoli søndag. Tidligere i runden hadde titteljagende Inter og Lazio begge tapt poeng i gullkampen. Med det kunne Juventus øke forspranget til konkurrentene, men Lorenzo Insigne og lagkameratene kunne juble etter at den lille italieneren sikret seier fire minutter før slutt.

    Napoli - Juventus
    Foto: Alberto Pizzoli / AFP

Sendeplan

Kl. Program Kanal