Martin Ødegaard storspela i norsk utklassing

Norges U21-landslag fekk ein knallstart på EM-kvalifiseringa med 5–0 over Kosovo i Drammen.

Det var aldri noen tvil på Marienlyst mandag kveld.

UTKLASSING: Sjå Norges fem mål her (Video med løyve frå TV 2)

Laster innhold, vennligst vent..

– Dette gjev sjølvtillit. Det var også godt å få ein god start. Eg spelar ein grei kamp, og det gjorde godt å få ein slik start på kvaliken, sa Martin Ødegaard, som storspela saman med sin Heerenveen-kamerat Morten Thorsby, til NRK.

På tribunen i Drammen sat A-landslagssjef Lars Lagerbäck.

– Vi leverer gode søknader til A-laget alle mann, sa Ødegaard til TV 2.

Trenar Leif Gunnar Smerud var svært nøgd med Ødegaards innsats i kveld.

– Det var han som styrte tempoet vårt. Han får nokre smellar, men han står opp og gjer ein veldig god kamp. Det er kjekt for Martin og kjekt for oss, seier Smerud til NRK.

Martin Ødegaard storspela og var sentral både i to av måla og i fleire av dei mange sjansane Norge skapte etter pause.

Norge scora på sine to einaste sjansar i første omgang. Morten Thorsby heada inn leiarmålet etter berre tre minutt, og Kristoffer Ajer skalla inn ein corner frå Martin Ødegaard etter 23 minutt.

Martin Ødegaard

DOMINERTE: Martin Ødegaard var svært god i den knusande siger over Kosovo

Foto: Terje Pedersen / NTB scanpix

Raudt kort for Kosovo

Bakover hadde Norge god kontroll. Og då Kosovos Besfort Kolgeci fekk raudt kort tidleg i andre omgang, var det berre å kontrollere inn den norske sigeren.

Kolgeci felte Martin Samuelsen som var på veg gjennom, og dommaren viste ut spelaren direkte.

Kosovo prøvde seg litt etter utvisinga, men Norge punkterte kampen med eit praktangrep som Martin Ødegaard og Morten Thorsby regisserte, og som Birk Risa fekk lov å avslutte.

Einvegskøyring

Resten av kampen var det berre eitt lag på bana.

Einvegskøyringa gav to norske mål til dei siste minutta – Erlend Dahl Reitan med 4–0 etter godt forarbeid av Rafik Zekhnini, og Andreas Hanche-Olsen 5-0 på ein retur frå keeper.

Kosovos «norske» spelar Bersant Celina var lagkaptein for Kosovo, men vart bytta ut 12 minutt før slutt.

Norge møter Kosovo i returkamp allereie 1. september. Deretter ventar Israel (heime), Irland (borte) og gruppefavoritt Tyskland (heime) seinare på hausten.

Artikkelen blir oppdatert.

Laster innhold, vennligst vent..

Siste nytt

  • Raudt kort til Svensson

    AZ Alkmaars Jonas Svensson blei utvist etter berre 28 minutt i AZs europaligakamp motPartizan Beograd. Men AZ leia kampen 1-0.

    Svensson var berre ein av mange nordmenn på bana eller benken i europaligaen i kveld. 10 norske spelarar var i troppen til utanlandske klubbar.

    Jonas Svensson rødt kort
    Foto: Marko Djurica / Reuters
  • Narvik med historisk seier

    Narvik vant sin første kamp i eliteserien i ishockey noensinne da Stjernen ble slått 2-0 torsdag.

    De satte inn 1-0 fem minutter før slutt. Wade Murphy scoret på pasning fra Viktor Jornevik. Seinere økte hjemmelaget til 2-0. (NTB)

    Narvik har en seier og to tap.

    I kveldens andre kamp tok Frisk Asker sin andre strake seier med 2-1 over Manglerud Star.

    Narvik Arctic Eagles og Ringerike Panthers
    Foto: Terje Pedersen / NTB scanpix
  • Klar siger for Arsenal

    Arsenal slo Eintracht Frankfurt 3-0 borte i sin første europaligakamp.Joe Wilock scora før pause, Bukayo Saka og Pierre-Emerick Aubameyang heilt mot slutten, etter at Eintrachts Dominik Kohr vart utvist.

    Celtic greidde 1-1 borte mot Rennes, men fekk Bayo utvist i dei siste minutta.

    I Rosenborgs gruppe slo PSV Eindhoven Sporting 3-2.

    FC København opna turneringa med 1-0 over Lugano.

    Pierre-Emerick Aubameyang
    Foto: Michael Probst / AP

Sendeplan

Kl. Program Kanal