Ny smell for Pettersen - sesongen i fare

Øystein «Pølsa» Pettersen (33) er langt nede etter å ha fått eit nytt tilbakefall av den mystiske sjukdomen. No kan sesongen vere over.

Øystein Pettersen

SJUKDOMSPLAGA: Sjukdomen kan sette ein stoppar for Øystein «Pølsa» Pettersens store mål denne sesongen, nemleg Vasaloppet

Foto: Magnus Ôsth/Skiclassics

Sesongen til Øystein «Pølsa» Pettersen kan stå i fare etter eit nytt tilbakefall av den mystiske sjukdommen som han har slitt med sidan oktober.

– Årsaka til at eg har havna i denne situasjonen er fordi belastningen på hausten blei for stor. Viss eg skal vere skuffa over noko, so må det vere at eg ikke fanga dette opp tidlegare.

Laster Twitter-innhold

Seinast torsdag forrige veka, sa Pettersen til Aftenposten at han endeleg kunne friskmelde seg sjølv.

Den friskmeldinga fekk seg ein knekk under helgas Hafjell Skimarathon. Det heile byrja bra, men etter rundt 45 minutt av løpet, gjekk Team United Bakeries-løparen på ein smell.

– Han hadde ikkje meir å gi. Han følte seg kjempepigg i byrjinga, men så var det stopp, seier lagleiar Henrik Henningsen Kvissel.

Hatar å kvile

Pettersen har ikkje fått trene som han vil denne sesongen, og har brukt mykje tid på sofaen. Det likar han dårleg.

– Det verste er å kvile. Eg hatar å kvile. Det er ein ting som er verre enn å kvile. Det er å gå skirenn utan ein kropp som fungerer.

Veteranen er blitt vant til å takle motgang, og har slitt med å prestere jamnt på toppnivå etter at han tok OL-gull på sprintstafetten med Petter Northug i Vancouver 2010.

OLYMPICS-CROSS COUNTRY/ Norway's Pettersen and Northug react after winning the men's Team Sprint cross-country final event at the Vancouver 2010 Winter Olympics in Whistler

OL-GULL: Øystein Pettersen jublar etter å ha teke OL-gull i Vancouver i lag med Petter Northug

Foto: STEFAN WERMUTH / REUTERS

Har du vore inne på tanken om å legge opp?

– Nei, svarar han kontant.

Drømmen om Vasaloppet

Han er fast bestemt på å komme attende, men vil ikkje presse kroppen meir enn nødvendig. Det kan bety å stå over årets store mål.

– Det vil overraske meg om eg står klar til start på Vasaloppet

Lagleiar Kvissel tykkjer det er synd at Pettersen skal møte so mykje motstand.


– Øystein er jo ein positiv og glad fyr, men no er han veldig deppa og skuffa. Han hadde verkeleg håpa at kroppen ville fungere. Neste renn for langløparane er trass alt Vasaloppet der Øystein blei nummer 4 i fjor. I år skulle teamet og han saman kjempe om pallplassar.

Nytt tilbakefall

Øystein Pettersen

SELFIE FRÅ SJUKEHUSSENGA: Pettersen blei innlagt på sjukehus i oktober i fjor. Han har sidan kjempa for å finne igjen formen

Foto: Instagram

Pettersen starta langløpsesongen på verst tenkeleg vis, då han havna på sjukehus etter ein treningssamling på Mallorca. Då visste han ikkje kva som var gale. Seinare har han fått påvist rabdomylyse, som øydelgg muskelceller.

Etter gjentatte turar på sjukehus og tett oppfølging frå Olympiatoppen, har han kjempa seg sakte men sikkert tilbake i form.

No kan sesongen vere i fare, men Pettersen nektar å gi opp.

– Eg skal tilbake, jo før, jo bedre.

Siste nytt

  • Ruud tok seg enkelt vidare

    Casper Ruud leverte knallsterkt og vann 6–1 og 6–2 mot Carlos Berlocq i første runde i ATP-turneringa i Rio de Janeiro tysdag. 20-åringen hadde få problem med den 16 år eldre argentinaren.

    Casper Ruud
    Foto: Daniel Bockwoldt / AFP
  • 5.-plass til Foss-Solevåg

    Amerikanske Mikaela Shiffrin vinn parallellslalåmen i Stockholm og sikrar seg dermed også krystallkula i verdscupen i slalåm denne sesongen. På herresida vinn Ramon Zenhaeusern føre svenske André Myhrer. Sebastian Foss-Solevåg blir beste norske med ein 5.-plass, etter å ha slått ut Henrik Kristoffersen.

  • Vil ta laggull

    Tyskland har tatt alle de syv siste gullmedaljene i mesterskap i kombinert. Det vil Jan Schmid gjøre noe med. – Hvis jeg får med meg en medalje skal jeg være fornøyd, og så synes jeg vi som lag skal ha et mål om å ta det laggullet, det begynner å bli litt for mange år siden, sier den norske veteranen.

    Jan Schmid og Jørgen Graabak
    Foto: Andrea Solero / AP

Sendeplan

Kl. Program Kanal