Hopp til innhold

Noreg til VM utan skiskyttarar: – Litt skremmande

Vinteridrettsnasjonen Noreg har ikkje éin einaste skiskyttar som er god nok for Ski-VM for parautøvarar. No trappar forbundet opp jakta på skistjernene i framtida.

Skiskyting, para

VM UTAN NOREG: Nils-Erik Ulset håpar å rekruttere nye skiskyttartalent slik at Noreg kan stille med utøvarar i VM i framtida.

Under Ski-VM for parautøvarar samlast håpefulle medaljejagarar frå heile verda i Östersund. Men i skiskyting glimrar Noreg med sitt fråvær.

For medan Johannes Thingnes Bø og co. herjar i verdscupen, sender ikkje den tradisjonsrike vinteridrettsnasjonen éin einaste skiskyttar til VM for parautøvarar.

– Det er litt skremmande, seier Noregs store langrennstjerne, Vilde Nilsen.

– Eg trur det står på rekrutteringa, og at ho har vore for dårleg. Vi er nøydde til å bli meir synleggjorde, meiner ho.

VM snøsport for parautøvere

STJERNEUTØVAR: Vilde Nilsen er blant verdas beste para-langrennsløparar. Tidlegare satsa ho også på skiskyting.

Foto: Samuel Andersen / NTB

Nils-Erik Ulset sin karriere varte i nesten 20 år, men i fjor sa den meritterte skiskyttaren takk for seg. 39-åringen var den einaste aktive para-skiskyttaren i Noreg før han la opp. No har det oppstått eit vakuum.

Det er jo frykteleg synd. Eg skulle gjerne sett at nokon tok over etter meg. Skiskyting er den råaste vinteridretten vi har, seier han.

Jens Skjerven er prosjektleiar for para og breidde i Norges Skiskytterforbund. Han vedgår at resultatlistene blir fri for nordmenn i VM.

– Det er dessverre vanskeleg å finne utøvarar som kan utviklast til nivået som trengst på landslaget. Det er eit mål, men det tek nokre år før vi ser frukter av arbeidet i verdscupen, fortel han.

Trur klubbane er redde

Ulset er tilsett som fagkonsulent innan paraidretten i Møre og Romsdal idrettskrins. Han sit også i ei gruppe som skal jobbe med å få nye parautøvarar inn i skiskyttarsporten.

Det er tynt med utøvarar no, men forbundet har ein strategi for framtida, fortel han.

I langtidsplanane til skiskyttarforbundet for 2022–2026 heiter det at dei skal «leggje til rette for at utøvarar med funksjonsnedsetjing får like moglegheiter som funksjonsfriske. Prosjektet skal også sørgje for utvikling av framtidige landslagsutøvarar».

Nils Erik Ulset

LAGT OPP: Nils-Erik Ulset.

Foto: MOHD RASFAN / AFP

Ifølgje Ulset jobbar dei aktivt ut mot klubbane med rekruttering. Han håpar at paraidrett vil bli ein like naturleg del av idrettslag som andre sportar, og vil gjere det enklare for klubbane å fange opp talenta som finst. Slik kan framtidas parastjerner formast frå ung alder, håpar han.

Det er ei utfordring å få utøvarar inn i klubbar. Det er ukjent og uvant for klubbane, og dei er redde for å gjere feil. Vi prøver å sørgje for at klubbane er tryggare til å ta imot den gruppa, seier Ulset.

Skjerven er samd med Ulset i at nokre klubbar er litt usikre på korleis dei kan leggje til rette for parautøvarar. Forbundet kan stille med utstyr til parautøvarar og hjelpe klubbane med å komme i gang.

– Så fort vi høyrer om nokre utøvarar, tek vi kontakt og prøver å samarbeide med den lokale klubben. Dei treng ikkje å vere redde for at det er vanskeleg, det handlar berre om litt tilrettelegging. Det er små ting og tilpassingar, som litt enklare tilgang til løyper, seier Skjerven.

Nilsen slutta med skiskyting

Ifølgje han har det vore ein trend at ein tidleg kastar parautøvarar ut i konkurransar, utan at dei eigentleg har grunnlaget på plass.

– Då har dei ikkje nivået inne, og det er ikkje sunt for idretten. Det er synd at det ikkje er med nokon i Östersund, men samtidig er det bra at eg ikkje gjer comeback berre for at vi skal ha nokon der, meiner Ulset.

Les også: Alpinisten er for låg til å stille i VM: – Diskriminerande

Thomas Daae
Thomas Daae

Ifølgje Vilde Nilsen er det meir vanleg hos utanlandske nasjonar at utøvarane satsar både på langrenn og skiskyting. Ho var tidlegare i same situasjon, men valde til slutt å låse børsa inn i skapet.

Dermed mista skiskyttarsporten nok eit stort talent.

– For å bli best i det eine eller det andre, må ein satse på det eine. Eg kunne ha satsa på begge, men då kjenner eg at eg ikkje kunne ha gått 100 prosent inn for det, fortel Nilsen om avgjerda.

Skjerven fortel at dei samarbeider godt med Skiforbundet for å vekkje skiinteressa hos nye talent. Mellom anna under Ridderrennet i mars blir ungdom inviterte til å komme og teste vinteridrettane.

– Sjølv om det er forskjellar mellom langrenn og skiskyting, er dei også veldig like. Å auke samarbeidet gir berre fordelar, det er vinn-vinn for begge, meiner Skjerven.

Les også: Fem av assistentane til Vadseth har slutta: – Lettare å få pengar til røyketeppe enn sykkel

Hanne Vadseth og ledsager Marte Pensgaard Hansen.
Hanne Vadseth og ledsager Marte Pensgaard Hansen.

Siste nytt

  • LeBron James nærmer seg NBA-rekord

    LeBron James (38) sto for 28 poeng og ti målgivende da Los Angeles Lakers vant tirsdag. Han er nå kun 89 poeng fra å bli ligaens mestscorende gjennom tidene.

    Tirsdagens møte mellom basketballgigantene Lakers og New York Knicks ble en meget jevn affære. Lagene fulgte hverandre tett og tvang kampen ut i forlengning. Til slutt var det gjestene fra California som stakk av med seieren 129-123.

    Han er kun 88 poeng bak scoringsrekorden i NBAs grunnspill. Rekorden har stått siden Kareem Abdul-Jabbar valgte å legge skoene på hylla i 1989. (NTB)

    NBA: Los Angeles Lakers at New York Knicks
    Foto: Brad Penner / Reuters
  • Inter til semifinale i cupen

    Matteo Darmian scoret kampens eneste mål da Inter tok seg til semifinale i den italienske cupen tirsdag kveld.

    Motstander Atalanta kom til kampen i strålende form, men klarte aldri å sette Inter ordentlig på prøve. Dermed fortsetter jakten på nok en Coppa Italia-tittel for Inter. De er regjerende mestere.

    Onsdag og torsdag spilles de resterende kvartfinalene. Fiorentina - Torino og Roma - Cremonese spilles i dag, mens Juventus - Lazio sparkes i gang torsdag kveld.

    Coppa Italia - Quarter Final - Inter Milan v Atalanta
    Foto: DANIELE MASCOLO / Reuters
  • Blackburn Rovers videre i cupen

    Blackburn Rovers tirsdag gikk seirende ut av omkampen i FA-cupen mot Birmingham City. Nå venter Premier League-motstand i neste runde.

    Leicester City blir Blackburns motstander i den femte runden av FA-cupen.

    Det måtte ekstraomganger og et selvmål til for å sende Blackburn videre. Birminghams Auston Trusty, på lån fra Arsenal, satte ballen i eget nett i det 100. minutt, og dermed er Blackburn videre.

    Britain Soccer FA Cup
    Foto: Barrington Coombs / AP

Sendeplan

Kl. Program Kanal
Sport
Spiller nå
Norsk-svensk «smørekonflikt» i skiskytter-sirkuset: – Over grensen 01:29
Neste