Sjå oversikta: Desse vinterutøvarane legg opp etter sesongen

Vinteren er over, og for nokre av dei fremste aktive utøvarane også karriera. Her er eit knippe vi ikkje får sjå igjen i konkurranse neste vinter.

Legger opp

Alpinist Frida Hansdotter, skiløpar Maxim Vylegsjanin, skihoppar Andreas Stjernen og skiløpar Stefanie Böhler er nokre av dei som gjer seg etter sesongen som har vore.

Foto: NTB Scanpix

Skiskyting:

Simon Fourcade, Frankrike (34). Martins storebror har gull i blanda stafett frå 2009 og fire VM-gull frå den tid han var junior.

Anastasia Kuzmina, Slovakia (34). Russiskfødd og syster til Anton Sjipulin, men har konkurrert for Slovakia sidan 2008. Tre OL-gull i 2010, 2014 og 2018 før ho avslutta karrieren med VM-gull på sprinten i mars i år. 13 verdscupsigrar.

Fredrik Lindström, Sverige (29). Debuterte i v-cupen allereie i 2008, og deltok i tre OL før han fekk vere med på det svenske gullaget i stafett i 2018.

Anton Sjipulin, Russland (31). Veslebror av Anastasia Kuzmina, og tok stafettgull i Sotsji i 2014.

Michael Rösch, Belgia (35). Han er son av den tredoble stafett-verdsmeisteren Eberhard Rösch frå DDR, og representerte Tyskland fram til 2013, så melde han overgang til Belgia etter å ha blitt sett ut av det tyske laget. Har OL-gull frå 2006 og tre bronse i VM, alle i stafett.

Alpint:

Lund Svindal.

SLUTT: Aksel Lund Svindal ville ikkje lenger ta skaderisikoen ved fartskøyring på toppnivå, og la opp

Foto: Cornelius Poppe / NTB scanpix

Aksel Lund Svindal, Norge (36). 18 år etter sin første start i verdscupen har Svindal takka for seg. I løpet av dei åra har han vore ein av dei aller fremste alpinistane i verda med fem VM-titlar, to OL-gull, to samanlagtsigrar og 36 rennsigrar i verdscupen. Han avslutta med VM-sølv i utfor i sin aller siste start.

Lindsey Vonn.

MOTVILLIG: Lindsey Vonn har vunne 82 verdscuprenn i karrieren, berre fire færre enn legenda Ingemar Stenmark. Men skader tvinga henne til å gi seg

Foto: Jonathan Nackstrand / AFP

Lindsey Vonn, USA (34). Fire gonger verdscupvinnar, og enorme 82 rennsigrar i verdscupen. Ho har vore skadeplaga dei siste sesongane, og måtte legge opp etter VM i Åre.

Thomas Fanara, Frankrike (37). Veteran som lenge hadde rekordmange pallplassar utan siger, fram til han endeleg vann v-cup-finalen i 2016.

Patrick Küng, Sveits (35). Verdsmeisteren i utfor frå 2015 fall og fekk hjerneristing i Wengen i januar, og fann ut at han ikkje lenger ville ta risikoen eit utforrenn er.

Sandro Viletta, Sveits (33). OL-vinnaren i kombinasjon i Sotsji i 2014 har slite med ryggproblem dei siste sesongane, og fann ut at nok var nok etter denne sesongen.

Frida Hansdotter, Sverige (33 år). OL-meister i slalåm i Pyeongchang i 2018, og gav seg etter VM på heimebane i vinter. Hun vann slalåm-verdscupen i 2016 og tok fire v-cup-sigrar.

Felix Neureuther, Tyskland (35). Veteranen annonserte i mars at han legg slalåmskiene på hylla. Fem VM-medaljar har han tatt, mellom dei laggullet i 2005. Tre år på rad blei han nummer to i slalåm-verdscupen, men gjekk aldri til topps. Han vann 13 redd i verdscupen.

Kombinert:

Magnus Moan

SLUTT: Magnus Moan var rørt etter målgang i sitt siste kombinertrenn i Holmenkollen

Foto: Terje Pedersen / NTB scanpix

Magnus Moan, Norge (35). Norsk kombinertsports nestor med ti meisterskapsmedaljar, derav to gull, og 25 verdscupsigrar sidan debuten i 2003. Han fekk Holmenkollmedaljen i 2014, og avslutta karrieren i Holmenkollen i mars i år.

Wilhelm Denifl, Austerrike (38). Har vore med i verdstoppen sidan laggullet i VM i 2003, og har rekorden med 295 startar i verdscupen. Men sigeren i russiske Tsjaikovski i januar 2014 er hans einaste individuelle.

Maxime Laheurte, Frankrike (33). Laggull (2013) og bronsen (2015) blei hans einaste meisterskapsmedaljar.

Langrenn:

Petter Northug, nærbilde

SLUTT: Petter Northug måtte innsjå at ein eventyrleg karriere var slutt denne sesongen

Foto: Ole Martin Wold / NTB scanpix

Petter Northug, Norge (33). Presentasjon er overflødig. Frontfiguren i norsk langrenn sidan 2007 hadde sin andre trøblete sesong, og ved juletider meinte han at nok er nok. 13 VM-gull og to OL-gull frå 2007 til 2015 fortel sitt.

Alex Harvey, Canada (30): VM-gull på lagsprint i 2011 og på femmila i 2017 toppar karrieren til Canadas mest suksessrike skiløpar. Han fekk gleda av å avslutte karrieren med to andreplassar i verdscupen heime i Quebec.

Luis Stadlober, Austerrike (27). Har deltatt i verdscupen sidan 2015, men han har vore mykje plaga av skader. Han planla eigentleg å legge opp etter OL i fjor, men tok ein sesong til på grunn av VM på heimebane i Seefeld i vinter.

Matti Heikkinen, Finland (35). Klassisk-spesialisten har vore med i verdscupen sidan 2002, og tok VM gull på 15 km i Oslo i 2011. Han har også tre VM-bronsemedaljar.

Maxim Vylegsjanin, Russland (36). Omstridd løpar som opprinneleg blei utestengd etter den store russiske dopingskandalen, men utestenginga blei omgjord av CAS. To OL-gull i Sotsji i 2014, og VM-gull på tremila i 2015. Han avslutta med andreplass på femmila i Holmenkollen i vinter.

John Kristian Dahl, Norge (37). Tidlegare landslagsløpar som i dei seinare år har hatt stor suksess i langløp. Han vann Vasaloppet både i 2014, 2016 og 2017, og også det første 200 km lange Nordenskiöldsloppet i 2016.

Stefanie Böhler, Tyskland (38). Tysk løpar som har vore med i verdscupen heilt sidan 2002.

Sandra Ringwald, Tyskland (28). Har 148 startar i verdscupen sidan 2011, men kom ikkje på pallen individuelt før med andreplassen på sprinten i Cogne i februar i år.

Hopp:

Stjernen

SLUTT: Andreas Stjernen avslutta med andreplass heime i Granåsen i sitt aller siste hopprenn

Foto: Tore Meek / NTB scanpix

Andreas Stjernen, Norge (30). Han har vore trufast slitar på hopplandslaget i mange år, og vurderte å gi seg allereie etter OL i fjor. Men han tok eit år til, og fekk gleda av å avslutte med andreplass framfor heimepublikummet i Granåsen under Raw Air.

Kenneth Gangnes, Norge (29). Han var eitt av dei store norske hopptalenta, med tredjeplass i verdscupen i 2015/16, og tok individuelt sølv og laggull i VM i skiflyging i 2016. Men sidan sommaren 2016 har han vore nesten samanhengande plaga av skader, og i vinter gav han opp å kome tilbake.

Robert Kranjec, Slovenia (37). Kranjec har lenge vore ein del av det suksessrike slovenske landslaget, med mellom anna VM-gull i skiflyging frå Vikersund i 2012. Han avslutta karrieren på heimebane i skiflygingsbakken i Planica.

Er det nokon vi har gløymt? Kommenter gjerne!

Siste nytt

  • Ny norsk seier på Lillehammer

    Maren Lundby vant for andre dag på rad og sikret sin verdenscupseier nummer 27 med et hopp på 121 meter under tunge værforhold på Lillehammer. Den norske hopperen klinket til med et kjempehopp på hele 138,5 meter og ledet klar foran finaleomgangen. – Jeg får en god dose selvtilllit av et slikt hopp, sier hun til NRK etter rennet. Selv med et svakere hopp i finaleomgangen vinner Lundby med 15 poeng foran østerrikske Chiara Hoelzl og japanske Sara Takanashi. De øvrige norske hopperne, Silje Opseth og Anna Odine Strøm, lyktes ikke i finaleomgangen og endte til slutt på 14. og 17. plass.

    Hopp Damer, verdenscup Lillehammer
    Foto: Geir Olsen / NTB scanpix
  • Ingebrigtsen langt unna medalje

    Filip Ingebrigtsen var aldri i nærleiken av å kunne forsvare EM-gullet i terrengløp i Lisboa. 26-åringen klarte ikkje å vere med i tetgruppa som sette stort tempo frå start og til slutt blei det ein 12.-plass på Ingebrigtsen, 52 sekund bak gullet. Langrennsløpar Didrik Tønseth låg lenge i rygg på Ingebrigtsen, men det blei litt tøffare mot slutten og trønderen kom inn til ein 25.-plass i meisterskapsdebuten i løping. Svenske Robel Fshia tok gullet med tida 29.59 på den 10,2 kilometer lange distansen.

    Filip Ingebrigtsen i Lisboa terreng-EM
    Foto: Pedro Rocha / Pedro Rocha
  • Enkel seier for Riiber

    Jarl Magnus Riiber vant søndagens kombinertrenn i suveren stil. Han ledet etter hopprennet, og styrte inn til en «enkel» seier på hjemmebane. Han slo Jørgen Graabak med 20 sekunder i mål. Tyske Vinzenz Geiger ble nummer tre.

    Jarl Magnus Riiber
    Foto: Stian Lysberg Solum / NTB scanpix

Sendeplan

Kl. Program Kanal