NRK Meny
Normal

Her får Cathrine Larsåsen vite at ho kan bli utestengd frå landslaget: – Det er absurd

Cathrine Larsåsen er sjokkert over at ho kanskje ikkje skal få delta i VM på grunn av den nye sponsoravtalen.

Cathrine Larsåsen får ikke representere norsk friidrett så lenge hun samarbeider med Unibet. Det sier friidrettspresident Svein Arne Hansen.

Larsåsen får via NRK.no vite at ho kanskje kan kome til å bli utestengd frå VM

– Det er heilt absurd om eg ikkje skal få delta i VM på grunn av dette, sa Larsåsen då NRK konfronterte henne med konsekvensane av avtalen med spelselskapet Unibet.

Friidrettspresident Svein Arne Hansen gjekk tidlegare i dag svært langt i å nekte Larsåsen deltaking i internasjonale meisterskap så lenge denne avtalen gjeld.

– Dersom dette er tilfelle, er det heilt forferdeleg at dei skal ha denne haldninga, sa Larsåsen etter at ho hadde lese intervjuet med Hansen på NRK.no torsdag ettermiddag.

Ei utestenging gjeld meisterskap og lag-EM. Larsåsen kan få delta i andre stemne, som Diamond League. Ho står på deltakarlista til Bislett Games neste veke.

– Heilt absurd

Cathrine Larsåsen

Cathrine Larsåsen vil gjere alt for VM-deltaking i Moskva i sommar. Her i aksjon for Norges Friidrettsforbund i EM i fjor

Foto: Åserud, Lise / NTB scanpix

– Eg ønskjer ikkje å skape problem, men eg treng midlar for å satse. Om eg ikkje hadde takka ja til dette tilbodet, hadde eg ikkje hatt sjanse til å reise rundt i sommar for å få dei konkurransane eg ville ha. Då kan eg ikkje oppnå VM-resultat, som er det eg vil, seier Norges beste kvinnelege stavhoppar.

– Tolkar du det Hansen seier slik at du no ikkje får vere med i VM uansett kva resultat du oppnår?

– Dersom det er tilfelle, høyrest det heilt absurd ut. Eg vil satse 110 prosent, og eg gjer alt for å lykkast. Det betyr at eg treng dei midlane eg kan få. Når Norges Friidrettsforbund ikkje kan hjelpe meg, må eg gå ein annan veg.

– Eg skal til VM, det er mitt store mål. Då kan eg jo ikkje utelukke meg frå det, seier Larsåsen.

Skal ringe Hansen i kveld

Ho synest Hansens ord er sterke. – Om eg ikkje har økonomi, kan eg ikkje prestere heller. Då har eg ingenting på eit landslag eller i eit VM å gjere. Det meiner eg sjølv at eg har, seier Larsåsen.

Ho har enno ikkje vore i kontakt med forbundet etter at avtalen var klar. Men no vil ho ta kontakt for å prøve å få ei løysing.

– Eg vil aller helst vere på landslaget og konkurrere for Norges Friidrettsforbund. Til VM skal eg. Eg må nok ta ein liten telefon i kveld, seier Larsåsen til NRK.

Cathrine Larsåsen får ikkje lenger støtte frå Norges Friidrettsforbund. Ho sa til NRK tidlegare i dag at ho derfor må skaffe seg private sponsormidlar for å finansiere satsinga si, og at det var grunnen til avtalen med det internasjonale selskapet .

Men Norges Idrettsforbund likar ikkje at nokon av utøvarane reklamerer for konkurrentar til Norsk Tipping, som gir norsk idrett to milliardar kroner i året.

– Vi har ei samla haldning mot dei utanlandske spelselskapa. Den er vi konsistent på, og eg registrerer at fleire med ujamne mellomrom utfordrar dette. Vi taklar det på same måte kvar gong, seier Inge Andersen, som er generalsekretær i Norges Idrettsforbund.

Siste nytt

  • Siste forsøk på løysing

    Leiinga i spelarforeininga møtte spelarane seint i går kveld, truleg for å gjere eit siste forsøk på å finne ei løysing i den danske spelarkonflikten, melder Danmarks Radio.

    Klokka 12 i dag går den endelege fristen ut for Danmark til å bestemme seg for om dei skal spele VM-kvalifiseringskampen for kvinner mot Sverige fredag.

    Danmark jubler
    Foto: TOBIAS SCHWARZ / AFP
  • Sveits' regjering støttar Sion-OL

    Regjeringa i Sveits vedtok i går å støtte ein søknad frå Sion om å søkje vinter-OL 2026.

    Det er uklart om det blir folkerøysting om søknaden.

    Innsbruck i Austerrike sa sist søndag nei til OL-søknad. Tidlegare har sveitsiske St. Moritz også sagt nei i folkerøysting.

    Vertsby for OL 2026 blir vald i 2019.

    Sveitsisk flagg
    Foto: ARND WIEGMANN / Reuters
  • Messi med mål nummer hundre

    I kveldens 3–1-seier over Olympiakos fikk Lionel Messi æren av å sette inn sitt mesterligamål nummer 100.

    Tre minutter før pause ble Gerard Pique utvist for katalanerne.

    Barcelona leder gruppe D tre poeng foran Juventus som slo Sporting 2-1 i kveld.

    Spain Soccer Champions League
    Foto: Manu Fernandez / AP

Sendeplan

Kl. Program Kanal
4-4-2 Europa League: Zenit - Rosenborg