Kan bli OL- og VM-kollisjon i 2022. – Det er ei ukjent problemstilling for oss

Det kan gå mot konflikt mellom fotball-VM og eit eventuelt vinter-OL i Oslo i 2022. – Den problemstillinga kjenner ikkje vi til, seier OL-direktøren i Oslo.

Eli Grimsby

– Ein konflikt mellom vinter-OL og eit fotball-VM om vinteren har ikkje vi kjennskap til, seier Eli Grimsby, direktør for Oslos søknad om vinter-OL i 2022

Foto: Åserud, Lise / NTB scanpix

Torsdag sende FIFA-president Sepp Blatter ut det tydelegaste signalet hittil om at fotball-VM i Qatar det året kan bli flytta frå det tradisjonelle tidsrommet juni/juli til vinteren.

Det kan bety eit VM som kjem kloss opptil vinter-OL.

Det vil i så fall føre til fleire problem om må løysast. Om VM blir flytta til januar, kjem det kloss opptil vinter-OL, som normalt begynner rundt 10. februar. Kan det få betydning for sponsorar og media, og dermed inntektsgrunnlaget for OL?

– Har ikkje diskutert det

– Det kan eg ikkje svare på, fordi det er ei problemstilling som vi ikkje har kjent til før, seier Eli Grimsby, direktør for OL-søknaden i Oslo.

– Er det ei problemstilling de bør kjenne til på dette tidspunkt av prosessen?

– Som sagt, dette er heilt nytt for meg. Som mogeleg søkjar bør vi nok kjenne til det, men det er kanskje naturleg at IOC diskuterer det først. Det har dei kanskje gjort, for alt eg veit, seier Grimsby til NRK.

Årsaka er at det er altfor varmt i Qatar midt på sommaren – opptil 50 grader. Det er helsefarleg.

Også UEFA-president Michel Platini har kravd VM flytta til vinteren .

Helsefarleg

Sepp Blatter

Qatar fekk tildelt VM 2022 i desember 2010. No har Sepp Blatter innsett at det er altfor varmt om sommaren der i landet

Foto: FABRICE COFFRINI / Afp

– Ein kan alltid kjøle ned ein arena, men ein kan ikkje kjøle ned eit heilt land, sa Blatter. – Det er heilt klart at ein ikkje kan spele i sommarheten der. Vi er nøydde til å ta omsyn til spelarane, legg han til.

Han har tidlegare vore imot flytting til vinteren, men har no endra meining.

Blatter vil løfte denne problemstillinga opp på offisielt nivå når FIFAs eksekutivkomité møtest i oktober.

Trøbbel med ligaene

Uansett har FIFA større problem å løyse før dei eventuelt flytter VM til vinteren. Det vil bety ein lang vinterpause i dei ligaene som spelar haust-vår, og dei store ligaene har allereie varsla sterke protestar mot forslaget.

Blatter meiner dette er problem som dei framleis har god tid til å løyse. Men signala frå dei store ligaene varslar kamp.

Premier League i England reagerte sterkt på det Blatter sa. – Eit vinter-VM er verken mogeleg eller ønskjeleg for oss, seier ein talsmann for Premier League.

Konsekvensar for tre sesongar

Hen seier at det ikkje berre vil få konsekvensar for 2021-22-sesongen, men også sesongane før og etter. Desse må justerast for å gi plass til den lange vinterpausen eit VM vil krevje.

I mai sa Bundesliga-direktøren at han tvilar på om FIFA har juridisk rett til å pålegge ligaene ein vinterpause for VM, og varsla mogelege rettssaker dersom FIFA prøver.

Og arrangøren? Qatar ser ikkje noko problem.

– Vi er klare til å arrangere VM om sommaren eller om vinteren. Våre planer blir ikkje råka av det, heiter det i ei utsegn frå arrangementskomiteen der.

Siste nytt

  • Disse kan bli årets spiller

    Norges Fotballforbund (NFF) har i dag nominert kandidater til å bli årets spiller i Eliteserien og Toppserien.

    Eliteserien:

    Andre Hansen (Rosenborg), Eirik Hestad (Molde), Birger Meling (Rosenborg).

    Toppserien:

    Guro Reiten (LSK), Ingrid Syrstad Engen (LSK), Ajara Nchout Njoya (Sandviken).

    Prisen deles ut på Fotballfesten 2018 førstkommende søndag.

    Birger Meling
    Foto: Lars Erik Skjærseth / NRK
  • Boksetrener døde i brann

    Den polske boksetreneren Andrzej Gmitruk omkom i en brann i hjembyen Hipolitow natt til tirsdag.

    Gmitruk var trener for det norske bokselandslaget fra 1988-1998 og igjen fra 2006 til 2008.

    Brannen etterforskes nå av polske myndigheter.

    BOKSING OL JOHNSON
    Foto: PER-KRISTIAN ERIKSEN / NTB scanpix
  • Northug møter Cologna på Gålå

    Petter Northug møter tøff motstand under norgescuprennene på Gålå kommende helg. Også tidligere OL-mester Dario Cologna har meldt seg på, melder Nettavisen.

    Petter Northug og Dario Cologna
    Foto: Grøtt, Vegard / NTB scanpix

Sendeplan

Kl. Program Kanal
Sport i dag
Torsteins sjakkskole
Sport i dag