IOC-presidenten: – Manglande folkeleg støtte felte Sverige

OL-entusiasmen i Italia var langt større enn i Sverige. Derfor vann Milano og Cortina kampen om OL 2026, meiner Thomas Bach.

Kronprinsesse Victoria og Thomas Bach

TAPTE IGJEN: Sveriges kronprinsesse Victoria må berre innsjå at Sverige ikkje får vinter-OL i 2026 heller. Her i samtale med IOC-president Thomas Bach

Foto: Pool / Reuters

Med 47 mot 34 røyster gav IOC i går vinterleikane om sju år til Italia. Derfor er den tradisjonsrike vintersportsnasjonen Sverige framleis utan ei vinter-OL, trass i ti forsøk sidan 1984.

Og grunnen til det er for liten støtte frå det svenske folket, meiner IOC-president Thomas Bach.

– Eg trur det spela ei avgjerande rolle at medan 83 prosent at italienarane støtta ein OL-søknad, var tilsvarande støtte i Sverige berre 55 prosent, seier Bach til Sveriges Radio.

Tala er henta frå IOCs eiga undersøking, som blei gjort i samband med søknads-evalueringane i mars og april. I ei ny måling offentleggjord sist torsdag hadde talet auka til 63 prosent, men det var altså ikkje nok, meiner Bach.

– For mange (IOC-) medlemmer var skilnaden likevel for stor. Folkeleg støtte går ofte hand i hand med den politiske.

– Kanskje var det også grunnen til at Stockholm ikkje var klar til å skrive under vertskontrakten, sa Bach ifølgje nettstaden gamesbids.com.

Han sikta til at den svenske hovudstaden ikkje hadde makta å få på plass dei nødvendige garantiane. I staden låg det an til at Åre ville signere som hovud-vertsby dersom Sverige skulle få OL.

– Ulike kulturar og medielandskap

Richard Brisius

MÅ FORKLARE: Sveriges søknadsgeneral Richard Brisius viser til kulturelle og mediemessige skilnader mellom Sverige og Italia

Foto: Jean-christophe Bott / AP

Leiaren av søknadskomiteen for Stockholm og Åres søknad, Richard Brisius, kjøper ikkje heilt den teorien.

– Det går ikkje å samanlikne eitt land med eit anna. Italia har ein spesiell type medielandskap som fungerer på sin måte, i Sverige har vi ein annan type, seier han.

– I tillegg har vi i Sverige ein annan kultur. Her fungerer det ikkje slik at når nokon seier «dette er veldig bra», så hoppar alle etter. Vi seier heller «vi vil vite meir, vi vil stille spørsmål og forstå», seier Brisius.

Fram til april i år var det usikkert om både Italia og Sverige ville gi sine søknader dei nødvendige garantiane. Men med få dagars mellomrom, like før fristen gjekk ut 11. april, garanterte begge landa for leikane.

– Derfor kjem Italia til å vinne. Når dei først har bestemt seg for å satse, går dei «all in» og gir alt for siger. Det har ikkje vi gjort her i Sverige, sa Dagens Nyheters kommentator Johan Esk i SVT måndag morgon, nokre timar før avgjerda fall.

Siste nytt

  • Seier for FCK i mesterligakvaliken

    Ståle Solbakkens FC København har én fot i neste runde i mesterligakvalifiseringen etter at de tirsdag kveld vant 2-0 borte mot walisiske The New Saints.

    Dermed må det en kollaps til i Parken neste uke om Solbakken & co. ikke skal ta seg videre.

    Solbakken
    Foto: Jens Nørgaard Larsen / NTB scanpix
  • Russisk proffbokser døde etter kamp

    Maksim Dadasjev (28) døde av skadene han pådro seg under proffkampen mot Subriel Matias fredag. Bokseren kastet inn håndkleet etter elleve av tolv runder i boksestevnet i Maryland, USA. Russeren ble så kjørt til sykehus. Legene konstaterte at hjernen hans hadde hovnet opp og forsøke å operere ham, men livet sto ikke til å redde.

    Dadashev
    Foto: Steve Marcus / AFP
  • Sarpsborg-keeper solgt

    Sarpsborg 08s russiske keeper Aleksandr Vasjutin er solgt til Zenit St. Petersburg. Det bekrefter klubbene tirsdag kveld. 24 år gamle Vasjutin kom til Sarpsborg fra finske Lahti i fjor sommer.

    Eliteserien fotball, menn (15. Runde): Stabæk - Sarpsborg 08 (3-3)
    Foto: Fredrik Hagen / NTB scanpix

Sendeplan

Kl. Program Kanal