Helene Olafsen bekreftar karrierestopp i tårevått NRK-intervju

Snøbrettkøyrar Helene Olafsen har sett seg lei av alle skadeproblema, og legg brettet på hylla. – Det er som å rive av eit plaster, seier ho.

Helene Olafsen var på gråten, då ho kunngjorde at ho legg opp.

FOTO: Mohammed Alayoubi

Heilt sidan ho som 16-åring tok VM bronse i snowboardrcross har Helene Olafsen vore i verdstoppen i brettkøyring.

Men samstundes som ho har vore blant verdas beste, har ho også vore skada i over halvparten av dei siste fem åra.

No har 26-åringen fått nok.

Skademarerittet

Olafsen blir av NRKs-journalist utfordra på å liste opp alle skadene ho har hatt dei siste fem åra. Slik ser det ut når ho omsider er ferdig.

  • 2011: Korsbånd, høgre kne - sju månadar ute
  • 2012: Brot i fibula, venstre legg - tre månadar ute
  • 2013: Røyk korsbåndet halvvegs - fire månadar ute
  • 2014: Korsbånd venstre kne - eitt år ute
  • 2015: Korsbånd venstre kne - eitt år og seks månadar, fortsatt skada.

Fasit: Dei siste fem åra har ho vore tre år og åtte månadar i rehabilitering.

Helene Olafsen

PÅ KRYKKER: Slik enda OL i 2014 for Helene Olafsen, på krykker etter fall i kvalifiseringa.

– For ein toppidrettsutøvar er det ganske mykje. Det er meir enn halvparten av tida eg har hatt. Det har ganske mykje å seie

Skadeplagene har fått Olafsen til å førebu seg på karriereslutt fleire gonger.

– Eg har fått førebudd meg litt, på grunn av alle skadane har eg trent på å avslutte karrieren. Eg har prøvd å gjere andre ting, for at idretten ikkje skal vere alt.

Tårevåt avskjed

Men sjølv om Olafsen fleire gonger har hatt karrierestoppen på nært hold, svir det å endeleg sei stopp.

– Det er som å rive av eit plaster.

Heldigvis har ho ein karriere med mange høgdepunkt å sjå attende på. Ho har blant anna vunne gull i snowboardcross i VM i Gangwon i 2009, samt to sølv og ein bronse frå X-games.

– Eg er veldig stolt av mykje av det eg har fått til.

Olafsen blir stille. Overleppa byrjar å skjelve forsiktig, augnene blir heilt blanke, før den første tåra trillar nedover kjaken. Ho gnikkar forsiktig augnene turre, før ho snufsar og byrjar å le.

– Alltid skal eg grine på fjernsyn.

Olafsen

TÅRER: Helene Olafsen klarte ikkje å stoppe tårene då ho skulle sjå attende på karrieren.

Foto: Mohammed Alayoubi / NRK

Det blir stille lenge. Olafsen tenkjer attende på alle dei gode minna ho har frå ein lang karriere i idretten, og dreg fram bronsen i X-games frå 2013 som det aller største.

– Eg tenkjer ofte på den bronsen. Det var det ultimate for meg.

Vil fortsette idrettskarrieren

Etter mange tunge stunder med opptrening etter skader, har Olafsen tenkt at nok er nok når toppidrettskarrieren er over, men no ser ho ikkje vekk frå å bruke kompetansen sin til å utvikle nye talent i sporten.

– Eg har alltid sagt at eg ynskjer meg ein jobb utanfor idretten, for det kan bli litt mykje idrett til tider. Men i det siste har eg tenkt på kvifor vil eg det? Det er jo noko eg kan veldig godt, så vi får sjå.

Og sjølv om ho no seier stopp for godt, ser ho ikkje vekk frå at ho kan bli å sjå i konkurransar igjen, viss alle skadeplagene forsvinn.

– No jobbar eg fortsatt for å bli heilt frisk. Viss det skulle slå til, er det ikkje utenkeleg at eg er attende på idrettsbana.

Men først skal Olafsen vere med i Mesternes mester på NRK.

Helene Olafsen

RETT UTANFOR PALLEN: Etter fall i finalen, enda Olafsen på ein sur fjerdeplass i OL i 2010.

Foto: Poppe, Cornelius, Cornelius Poppe / Scanpix

Siste nytt

  • Frisk Asker til NM-semifinale

    Mats Frøshaug ble den store helten da Frisk Asker slo Lillehammer 2-1 i den sjuende og avgjørende kvartfinalekampen i NM-sluttspillet i ishockey tirsdag. Frisk Asker har fått Vålerenga som semifinalemotstander, mens Storhamar møter Stavanger.

    Lillehammer IK - Frisk Asker
    Foto: Stein Schinstad / NRK
  • Casper Ruud-kamp regnet bort

    Regnvær tvang arrangørene av tennisturneringen Miami Open til å utsette alle tirsdagens kamper. Dermed fikk Casper Ruud en ufrivillig fridag. Ruud skulle ha møtt russiske Jevgenij Donskoj i 2. kvalifiseringsrunde av ATP-turneringen tirsdag.

    Casper Ruud under Australian Open
    Foto: Toru Hanai / Reuters
  • PL-manager bøtelagt for munnbruk

    Everton-manager Marco Silva er ilagt en bot for sitt utbrudd mot dommerne etter 2-3-tapet for Newcastle i Premier League tidligere denne måneden. Silva må ut med 12.000 pund, tilsvarende rundt 135.000 kroner, som følge av episoden.

    Marco Silva
    Foto: Rui Vieira / AP

Sendeplan

Kl. Program Kanal