NRK Meny
Normal

Enorme inntekter i vente dersom VM-draumen blir realisert

Det er ein lang veg dit, men dersom Noreg kvalifiserer seg til fotball-VM i Brasil vil millionane strøyme inn.

Tresifret millionbeløp til NFF hvis Norge kvalifiserer seg. Reporter: Marius Skjelbæk. Foto Henrik Myhr Nielsen. Redigering: Audun Torsdalen.

Inntektene dersom Noreg kvalifiserer seg til fotball-VM i Brasil er tresifra i millionklassen.

Artikkelen er flere år gammel.

Marcus Pedersen

Marcus Pedersen var usikker på kor innbringande ein VM-plass kunne vere.

Foto: Henrik Myhr Nielsen / NRK

– Det må vere nokre millionar det?, svarer Marcus Pedersen når NRK spør kor mykje pengar han trur NFF får om Noreg kvalifiserer seg til VM i Brasil.

«Nokre millionar» er ei lett underdriving, i beste fall. Noregs Fotballforbund kan, etter det NRK får opplyst, bli 150 millionar kroner rikare om herrelandslaget karrar seg til VM.

– Totalt sett pratar vi om eit tresifra beløp, slår kommunikasjonsdirektør i NFF, Svein Graff, fast.

FIFA spanderer 50 millionar og sponsorbonusar og nye avtalar genererer rundt 50 millionar. I tillegg kjem alt av sal og publikumsinntekter, anslagsvis 50 friske millionar.

Brede Hangeland

Brede Hangeland er klar på at landslaget ikkje må drøyme seg vekk i millionar.

Foto: Henrik Myhr Nielsen / NRK

– Skal ikkje drøyme oss vekk

Vegen til VM er derimot lang – veldig lang. Etter seks av 10 kampar ligg Noreg på fjerdeplass i gruppa med åtte poeng. Sveits er i klar føring med 14 poeng, følgt av Albania med 10 poeng og Island med ni.

Noreg må truleg slå både Kypros, Sveits, Island og Slovenia for å realisere VM-draumen.

– Eg trur ikkje vi skal drøyme oss vekk til Copacabana akkurat her i dag, seier ein sober kaptein Brede Hangeland.

– Men kjem de dit blir det nokre millionar til paraplydrinkar

– Ja, det spørst om Siem og Co vil bruke pengane på det, flirer Hangeland.

Generalsekretæren sjølv er klar på at spanderbuksene blir dregne på om VM-plassen faktisk blir sikra. Likevel: Størsteparten av pengane skal køyrast inn i idretten.

– Då går det inn, og blir pløgd inn i utviklinga av idretten vår, slår Siem fast.

Kjetil Siem

Kjetil Siem i godt humør på Ullevaal stadion dagen før Noreg sin landskamp mot Kypros.

Foto: Henrik Myhr Nielsen / NRK

Fotballnyheter

Videoklipp

Chile videre til finalen i prøve-VM.
Tyskland utlignet mot Chile rett før pause i gruppespillkampen i prøve-VM i Russland.
 Her blir Sanchez mestscorende chilener gjennom tidende da han setter i 1-0-målet mot Tyskland i prøve-VM torsdag.
Videodømming avgjorde i straffesituasjonen i kampen mellom Kamerun og Australia