NRK Meny
Normal

Heiberg etter nye dopingfunn: – Verre enn nokon gong

IOC har funne 45 nye positive dopingprøvar frå OL i Beijing i 2008 og London i 2012 etter re-testing. 23 av dei stammar frå medaljevinnarar.

FUGLEREDET

FUGLEREDET: Alle friidrettskonkurransane i Beijing vart heldt inne på dette stadionanlegget.

Foto: CLARO CORTES / Reuters

Av desse 45 prøvane er det 30 som stammar frå Beijing 2008, medan 15 prøvar er frå OL i London i 2012.

Dette var andre runde av testing av gamle dopingprøvar, og no er det samla talet på positive prøvar etter re-testing oppe i 98. I første runde fann dei 30 positive prøvar frå Beijing og 23 frå London.

– Eg tenker at det er forbaska. Vi blir nok ikkje ferdig med dette. Dette er andre runde vi går gjennom desse prøvane og vi skal fortsette etter OL i Rio. Det viser seg at vi stadig finn positive prøvar, seier IOC-medlem Gerhard Heiberg til NRK.

– Dette viser IOCs dedikasjon i kampen mot doping, seier IOCs-president, Thomas Bach i pressemeldinga.

23 medaljevinnarar tatt

Totalt har IOC no re-testa 1243 dopingprøvar frå dei to Olympiske leikane, og 98 av dei har vist seg å vera positive.

– Dette har ingen ende, det viser at det er verre enn nokon gong. Det positive er at vi får tatt dei ved hjelp av nye analysemetodar. Det negative er at det ikkje tar slutt, seier Heiberg.

Gerhard Heiberg

SKUFFA: IOC-medlem Gerhard Heiberg er ikkje nøgd med alle dei nye dopingavsløringane og varslar at IOC vil endre rutinane for å avsløre juksemakarar i framtida.

Foto: Olsen, Geir / NTB scanpix

I runde to, som var lagt ut i dag, viste det seg at av dei 30 nye positive prøvane frå Beijing stamma 23 av dei frå medaljevinnarar. Utøvarane kjem frå åtte forskjellige nasjonar og fire forskjellige idrettar.

Dei 15 prøvane frå London stammar frå 15 utøvarar, fordelt på to idrettsgreiner og ni nasjonar.

– Det er skremmande, men det er bra at dei har testa prøvane på nytt. No vert det spennande å sjå kven som er tatt og kva slags grunnlag dei har til å ta det vidare, seier leiar i Antidoping Norge, Anders Solheim til NTB.

Laster Twitter-innhold

Skal vurdere nye metodar

IOC skal ha ein tredje og fjerde runde med testing av gamle prøvar, og runde tre er forventa etter OL i Rio i sommar.

– Der vil det komme fram enno fleire positive prøvar. Om det er medaljevinnarar må vi ta frå dei medaljane. Dette er forferdeleg leit og utruleg skuffande. Vi må innsjå at måten vi har gjort antidopingarbeid på i IOC har ikkje vore godt nok, seier Heiberg.

Han varslar at doping og dopinganalysar skal settast i eit heilt nytt system for å stoppe dette i framtida. Men alt på søndag kan IOC ta ei avgjerd som viser at dei strammar inn antidopingarbeidet. Då skal dei avgjere om Russland vert utestengd frå OL i Rio.

– No må vi stramme inn og det skal vi forhåpentlegvis gjere på søndag når vi kjem med avgjerda om kva vi skal gjere med Rio.

Siste nytt

  • Tennisspiller fikk kjempebot

    Den tyske tennisproffen Mischa Zverev er ilagt en bot på 342.000 kroner for måten han gjennomførte sin kamp på i 1. runde av Australian Open. Boten er den største som er ilagt en tennisspiller i Grand Slam-sammenheng for et regelbrudd på banen.

    Australian Open Tennis Zverev Fine Mischa Zverev
    Foto: Dita Alangkara / AP
  • Avalanche med enorm seiersrekke

    NHL-klubben Colorado Avalanche er inne i en seiersrekke som ikke synes å ta slutt. Mandag ble det 4-2-seier mot Toronto Maple Leafs. Dermed står den amerikanske hockeystorheten med ti strake seire i NHL.

    HOCKEY-NHL-TOR-COL/
    Foto: Tom Szczerbowski / Reuters
  • Sjokktap for Liverpool

    Bunnlaget Swansea sørget for en aldri så liten sensasjon i Premier League da laget slo Liverpool 1-0 mandag. Alfie Mawson scoret målet for Swansea etter 40 minutters spill.

    Premier League - Swansea City vs Liverpool
    Foto: Matthew Childs / Reuters

Sendeplan

Kl. Program Kanal
Storslalåm, kvinner
V-cup alpint: Storslalåm 1. omgang, kvinner
V-cup alpint: Storslalåm 1. omgang kvinner
V-cup alpint: Storslalåm 2. omgang, kvinner
V-cup alpint: Storslalåm 2. omgang kvinner
Vinterstudio
Vinterstudio
Slalåm, menn
V-cup alpint: Slalåm 1. omgang, menn
V-cup alpint: Slalåm 1. omgang menn
V-cup alpint: Slalåm 2. omgang, menn