– Ikkje alle veit kva eg måtte gjennom for å kome hit, skreiv Brasil-stjerna på Instagram etter kampen, og sikta sannsynlegvis til brotet i leggen han har slite med inn mot VM.
Det var i februar PSG-esset vart skadd under ein kamp mot Marseille. Han vart operert i Brasil i starten av mars. Vegen tilbake på fotballbana har vore lang. Først 3. juni gjorde 26-åringen comeback i ein treningskamp mot Kroatia.
– Fotball er emosjonelt. Det har vore eit ekstremt press på Neymar. Han er spelaren alle ventar på. Reaksjonen til Neymar heng både saman med skaden han fekk før VM og kritikken etter 1-1-kampen mot Sveits, forklarer NRK-ekspert Lise Klaveness.
Brasil kunne ha stått med berre to poeng etter to kampar, for første gong sidan 1978.
Men etter 91 minutt tuppa Philippe Coutinho til slutt ballen i mål frå kort hald – etterfølgt av ville jubelscenar i Brasil-leiren.
– Takk gud for at eg klarte å score, strålte Coutinho etter kampen.
– Hadde noko å bevise
Sju minutt på overtid ordna det seg også for Neymar, då han scora sitt første mål i denne verdsmeisterskapen. Som i Coutinho sitt tilfelle var det ei enkel avslutning frå kort hald.
– No slepp presset på Neymar litt taket, sa NRK-ekspert Carl-Erik Torp.
Dermed vann storfavorittane Brasil 2–0 mot Costa Rica. Og då kom tårene til Neymar.
– Dei hadde nok mykje å gjere med at Neymar følte at han hadde noko å bevise. Dessutan var han letta fordi Brasil vann, utdjupar Lise Klaveness.
Neymar hausta også skryt frå medspelarane.
– Vi veit at han hadde ein tøff skade før VM. Han var langt nede, men gleda hans på bana er smittsam, seier Philippe Coutinho.
Brasils scoring annullert for offside
Brasils scoring annullert for offside
0:15Neymar skjelte ut dommeren
0:25Dobbeltsjanse for Brasil
0:14Nesten for Neymar
0:10Neymar med nok en stor sjanse
0:10Straffe til Brasil
0:10VAR mener Neymar filmer - ingen straffe
0:29Coutinho scorer for Brasil
0:20Endelig scorer Neymar
0:19
Trekte tilbake straffe
Men det såg lenge svært mørkt ut for eit Brasil-lag som for dagen var kledde i blått.
I det 78. minutt fekk Brasil tildelt straffespark etter at Neymar nokså lett gjekk i bakken etter ein duell med den tidlegare Vålerenga-stopparen Giancarlo González.
Dommar Björn Kuipers peikte først på straffemerket. Men så bestemte han seg for å nytte VAR-systemet og sjå situasjonen på nytt. Då Kuipers kom tilbake på bana signaliserte han at han omgjorde si eiga avgjersle.
– Det er heilt korrekt, sa NRK-ekspert Lise Klaveness.
OMGJORDE STRAFFE: Björn Kuipers gav først straffespark til Neymar, før han ombestemte seg.
Foto: GABRIEL BOUYS / AFPSjansesløsing
Etter ein sløv første omgang, der faktisk Costa Rica hadde den største sjansen, handla det meste om Brasil etter pause.
Før fem minutt var spelt hadde både Neymar, Gabriel Jesus og Philippe Coutinho vore svært nær scoring. Keylor Navas slo deretter til med ei kjemperedning då Neymar prøvde seg igjen i det 56. minutt.
I det 72. minutt avslutta Neymar like utanfor Navas sitt venstre kryss. Seks minutt seinare kom altså situasjonen der Neymar først vart tildelt straffe.
Etter denne situasjonen heldt Brasil fram med å presse, utan å kome til dei heilt store sjansane før Coutinho altså fekk sjansen på overtid.
Brasil-trenar Adenor Leonardo Bacchi, oftast kalla «Tite», møtte kritikk etter at dei spelte 1–1 mot Sveits i opningskampen.
Foto: PAUL ELLIS / AFP– Vi treng meir støtte
Dei tre poenga letta ikkje berre presset på Neymar, men ein heil fotballnasjon.
– Det var ein tøff kamp, men alle kjempa hardt og vi vann til slutt, sa Philippe Coutinho etter kampslutt.
– Vi har fått mykje kritikk. Men vi lever med det. No håper eg fansen støttar oss framover. Spelarane treng meir støtte, seier Gabriel Jesus.
Og utdjupar:
– Spelarane, trenaren og resten av støtteapparatet kjenner til ansvaret vi har. Vi er stolte av å bere drakta for over 200 millionar menneske.
