Hopp til innhold

Då Skarstein svima av, forstod ho at endring måtte til: – Det var ikkje berekraftig

TOKYO (NRK): Turen med Lars Monsen på veg opp Snøhetta i 2011 gav den ferske gullvinnaren ei identitetskrise. Utan den, hadde ho nok ikkje nådd sitt største mål.

Sjå hendinga her.

For ti år sidan fekk nemleg Birgit Skarstein beskjeden om at ho var ein av dei utvalde til å bli med Lars Monsen på tur frå Femundsmarka til Snøhetta, eit halvanna år etter ho blei lam som følge av ei badeulykke i Thailand.

Ekspedisjonen skulle gjennomførast på 30 dagar, men allereie på dag seks gjekk det gale for Skarstein.

– Eg gav meg ikkje på harde møkka, før eg på sjette dagen gjekk i bakken og svima av på grunn av utmattinga. Då eg vakna opp og deretter hang over skuldra til Lars Monsen, slo hovudet i ryggen hans og kjende at eg måtte spy – då skjønte eg at dette ikkje var berekraftig, seier Skarstein til NRK.

Den episoden har brend seg fast hjå roaren, og den har på mange måtar hjelpe ho til sitt fyrste gull, og medalje, i para-OL.

Forma det «nye livet»

Ein kan nesten seie at karrieren til Birgit Skarstein starta saman med Lars Monsen.

Han var mannen som bad ho byrje å jobbe hjå Noregs idrettsforbund med parautøvarar. Ho blei kundekonsulent, og i Paralympics i London i 2012, fann ho ut at dette skulle ho sjølv drive med.

Birgit Røkkum Skarstein og Lars Monsen

DEBUT: Birgit Skarstein saman med Lars Monsen i 2011.

Foto: Mastiff

Gjennom «Ingen Grenser» fekk vi alt då ein smakebit på den sterke og fryktlause Birgit Skarstein, som aldri gir opp. Men måten ho tenkte på den tida for ti år sidan, var ikkje riktig.

Hadde ho tenkt slik i dag, ville ho nok ikkje stått med gullmedaljen rundt halsen.

– Eg er 1.80 centimeter høg, og alltid vore vand til å vere ein fysisk ressurs. Det at andre skulle bere sekken for meg den gongen, det tykte eg var særs krevjande for mi identitet. Eg skulle ikkje vere til bry, men sterk, erkjenner Skarstein og fortset:

– Mykje av mitt sjølvbilete bygde seg på å vere sterk og sjølvstendig, men av og til er du på ditt sterkaste når du tør å be om hjelp, seier Skarstein.

Sommer-Paralympics i Tokyo 2021 - Finale - Roing

RØRT: Birgit Skarstein med gullmedaljen.

Foto: Torstein Bøe / NTB

Ein anna type ressurs

Birgit Skarstein forstod nemleg ein viktig ting, som no er blitt hennar x-faktor.

– I naturen fann eg meg sjølv i ein heilt ny kropp og med eit heilt nytt sett med ressursar. Eg prøvde å jobbe med dei ressursane eg hadde før, men etter at eg svima av, skjønte eg at eg ikkje var den fysiske kapasiteten lenger. Eg måtte skifte gir. Den mentale kapasiteten var i fokus, og som i etterkant viste seg at var difor eg blei rekruttert inn i serien, seier ho.

Og det er nok ikkje tvil om at Lars Monsen var med på å snu om tankesettet hennar. I fleire dagar vassa ho i elvene, fordi ho nekta å bli bore.

– Eg fekk så masse kjeft av Lars Monsen, fordi eg kunne dratt på meg blærekatarr. Korleis kan ein vere så dum, seier Skarstein.

Ho gjekk inn i ei identitetskrise dei tretti dagane, men kom derifrå med det tankesettet som no har gitt ho elleve VM-medaljar, ein flust av prisar og no paralympisk gull.

– Eg måtte finne meg sjølv på nytt, og «Ingen grenser» har vore eit takknemleg bidrag på den vegen, seier ho.

Lagsamarbeid

Allereie året etter leikane i 2012, tok ho sin første VM-medalje.

No står ho med elleve av dei, og har i tillegg hatt ein fartsfylt karriere med blant anna deltaking i«Ingen Grenser», «Skal vi danse», «Eventyrlig oppussing», studert statsvitskap, hatt verv i politikken og sit utøvarkomiteen i den internasjonale paralympiske komité.

Og no har ho nådd sitt aller største mål, å bli paralympisk meister.

– Det har vore ei lang reise. I desember er det tolv år sidan eg blei lam. For to år sidan, var eg nettopp her på roarenaen og blei kjend med anlegget. Det var emosjonelt å tenkje tilbake på då eg låg der i sjukehussenga og ikkje ante korleis livet mitt skulle bli. Korleis framtida skulle sjå ut. Det er ein slitesiger, seier ho.

Den kunne ho aldri klart utan trenar Johan Flodin og lagkameratane.

uU7St3YSGDg

KJÆRLEIK: Trenar Johan Flodin gir Birgit Skarstein ein klem etter bragda.

Foto: Torstein Bøe / NTB

– Nei, det hadde eg ikkje. Det er akkurat som på turen til Snøhetta, eg hadde ikkje komme meg dit viss eg ikkje hadde hatt eit lag. Likevel er det ikkje gitt at dei kom seg dit utan meg heller. Sjølv om dei hjelpte meg med fysiske ting, hjelpte eg dei mentalt, seier ho og fortset:

– Det er veldig fort å berre sjå sine eigne svakheiter. Det er viktig å sjå begge deler. Det er enklare å bidra til omgivnadane når eg veit kva eg er god på, og tør å seie det høgt, avsluttar ho.

Det var ein lagsiger, dette gullet som no heng rundt halsen hennar.

Siste nytt

  • PSV berget hjemmerekken mot Ryersons Dortmund

    PSV Eindhoven kan fortsatte skryte av å være ubeseiret i egen storstue. Et straffemål reddet 1-1 mot Borussia Dortmund i mesterligaens åttedelsfinale.

    Dermed virker det ganske åpent om hvem som tar seg videre, men bookmakerne vil nok peke på Dortmund før returmøtet i Tyskland 13. mars.

    Tirsdagens utligning kom på Luuk de Jongs straffespark tidlig etter hvilen. Dommeren pekte resolutt mot krittmerket da Mats Hummels tilsynelatende felte Malik Tillman.

    Stopperveteranen reagerte voldsomt og bedyret sin uskyld, men avgjørelsen ble ikke omgjort i VAR-rommet.

    Julian Ryerson spilte solid på backplassen for Borussia Dortmund. Han gikk ofte på gode løp og hadde tilnærmet full kontroll på Hirving Lozano.

    (NTB)

    x-zHiykLJak
    Foto: AP
  • Arnautovic og Inter tok første stikk mot Atletico Madrid

    Innbytter Marko Arnautovic misbrukte et par kjempesjanser for Inter, men lyktes i tredje forsøk og ordnet 1-0-seier over Atlético Madrid i mesterligaen.

    Østerrikeren erstattet Marcus Thuram ved pause i en til da sjansefattig forestilling. Det var han som kom til muligheter i den andre omgangen, men de to første utnyttet han dårlig.

    I det 49. minutt slo Federico Dimarco et innlegg bak forsvaret. Ved lengste stolpe nådde ballen Arnautovic. Han kastet seg fram og beinet ballen langt over.

    Et snaut kvarter senere fikk han en enda større sjanse, etter fint veggspill med lagkaptein Lautaro Martínez. Han fikk avslutte fra kort hold, men igjen føk ballen over tverrliggeren.

    I det 79. minutt var det hans tur. Etter et balltap av Reinildo kontret Inter raskt, og Martínez ble spilt gjennom. Jan Oblak reddet alene med argentineren, men ga retur ut til siden.

    Der dukket Arnautovic opp og scoret fra spiss vinkel. Samuel Lino prøvde å redde på streken, men lyktes ikke.

    GYXUVBlAbME
    Foto: AP
  • Ratcliffes oppkjøp i Manchester United i boks

    Jim Ratcliffe har fullført overtakelsen av 27,7 prosent av aksjene i Manchester United.

    Det bekreftet klubben tirsdag kveld. Oppkjøpet ble klart etter at både Premier League og Englands fotballforbund (FA) har gitt avtalen grønt lys.

    Den britiske milliardæren ble enig med den amerikanske Glazer-familien på tampen av 2023, men først nå er han formelt inne på eiersiden.

    (NTB)

    A85KLampqBo
    Foto: AP

Sendeplan

Kl. Program Kanal