Gullaget til Glimt: Desse spelarane kan forsvinne før neste sesong

Fleire av Kjetil Knutsen sine menn har kort tid igjen av kontrakten. Prestasjonane etter årets sesong kan gjere det vanskeleg for trenaren å halde på dei store profilane.

Bodø/Glimt.

KJEMPEPRESTASJON: Philip Zinckernagel, Kasper Junker og Fredrik Bjørkan har levert varene i år.

Foto: Mats Torbergsen / NTB

Bodø/Glimt har dominert frå start til slutt i årets sesong. Søndag var gullet sikra, fem rundar før slutt.

Allereie no har Glimt:

  • Vunne ti kampar på rad.
  • Eit scoringssnitt på 3,4.
  • Scora 85 mål på 25 kampar. To mål frå å ta Rosenborg sin rekord frå 1997.

Hovudpersonane bak tala er sjølvsagt brennheite. Allereie midtvegs i sesongen måtte Glimt gi frå seg Jens Petter Hauge til AC Milan.

– Først og fremst må eg seie at det er ein utruleg hyggeleg situasjon. Det er kjempefint for klubben at ein har attraktive spelarar på bakgrunn av gode prestasjonar, seier sportsleg leiar i Bodø/Glimt, Aasmund Bjørkan, til NRK.

Så kor mange blir igjen når neste sesong står for tur? Her får du oversikta over dei som er på utgåande kontraktar, og som truleg er mest ettertrakta på marknaden:

Philip Zinckernagel:

Dansken som har teke norsk eliteserie med storm. Den målfarlege kantspelaren har scora 15 mål og levert 19 målgivande pasningar på 25 kampar. Det er sensasjonelle tal. Den tredje mestscorande spelaren så langt i Eliteserien.

Kontrakten til Zinckernagel går ut i desember. Enn så lenge har klubben venta med å sikre seg spelaren for neste år. I verste fall kan kantspelaren gå gratis i desember.

– Den ballen ligg litt hos Philip. Vi ynskjer å ha med han vidare, og det veit han. Men vi må forhalde oss til at han ikkje har skrevet ny kontrakt, seier Bjørkan.

– Vi har enda et håp om at han har lyst til å spele meisterliga med oss i 2021. Samtidig er vi klar over at det finst større klubber enn Bodø der ute.

Philip Zinckernagel.

UT 2020: Philip Zinckernagel har enno ikkje skrive ny kontrakt med Bodø/Glimt. Det vil vere eit tap for klubben.

Foto: Fredrik Varfjell / NTB

Kasper Junker:

Danske Junker fekk det ikkje heilt til å stemme i Stabæk, men etter å ha teke turen til nord, har spissen verkeleg meldt seg på i kampen om toppscorartittelen.

– Det er gledeleg å sjå den utviklinga alle spelarane har hatt på laget vårt. Ingen kom hit som stjerner, ikkje ein, fortel Bjørkan.

Totalt har Junker scora 19 mål på 25 kampar, og gjeve åtte målgjevande pasningar. Berre Amahl Pellegrino i Kristiansund har scora meir (21).

Slike prestasjonar gjer ein attraktiv. Bodø/Glimt skal ha motteke fleire bod på spissen, men enn så lenge er dei avslått.

Ifølge agent Christian Bysted, var avtalen med Glimt at Junker skulle ta turen til nord, spele bra, score 20 mål, for så å bli seld vidare.

– No står han med 19. Det kan fort hende dei vil prøve å overtale han om det, seier Bysted humoristisk til NRK.

Agenten stadfestar at fleire lag har vist si interesse, og som framleis er interessert i å sikre seg han for neste år. Likevel skal det fleire partar til for at ei slik avtale går i orden.

– Kasper er fornøgd i Glimt, og foreløpig er han der. Ikkje for ein kvar pris, så kjem det noko av interesse, vil vi så klart vurdere det. Det er likevel for tidleg å seie, og det er ikkje berre opp til oss, seier Bysted.

Bodø/Glimt må også vere involvert i samtalane. Overgangsvindauget opnar om ein månad, og enn så lenge er Junker bunden til kontrakten ut 2022.

Kasper Junker scorer 1-0 mot Strømsgodset.

I KJEND STIL: Kasper Junker etter å ha dunka inn 1-0-scoringa mot Strømsgodset.

Foto: Fredrik Varfjell / Fredrik Varfjell

Fredrik André Bjørkan:

Glimt aksepterte eit bod på backen før sommarvindauget stengde. Det kom frå greske Olympiakos, og skal ha vore på eit tosifra tal millionar. Det skriv VG.

Men det blei ikkje nok tid til å sluttføre avtalen. Om det blir etter sesongen, er uvisst. Kontrakten til Bjørkan går ut i desember 2021.

Eitt mål og fire målgivande pasningar har han levert så langt denne sesongen.

Les også: Glimt-kontrast: Då Rosenborg tok sølv med 15 mål på 18 kampar

Patrick Berg:

Sonen til Ørjan Berg har verkeleg fått fart på karrieren. For berre to år sidan var Berg lei av å slite benken. No har han hatt ein formidabel sesong med fire mål frå sin midtbaneposisjon, og blei utteken på A-landslaget.

I likskap med lagkameraten Marius Lode blei han smitta av korona på landslagssamling, og måtte difor feire eliteseriegullet frå eit hotellrom i Oslo.

Kontrakten går ut i desember 2021.

– Patrick og Fredrik er lokale gutar som er glade i Glimt. Det er berre plussar at desse spelarane er attraktive for andre gode klubbar. Det er ikkje eit problem, om nokon av dei går, er det ei fantastisk historie, forklarar Bjørkan.

Patrick Berg og Fredrik Bjørkan.

JUBEL: Patrick Berg og Fredrik Bjørkan etter sigeren mot Vålerenga i september.

Foto: Mats Torbergsen

Marius Lode:

Ein bauta i forsvar, og som allereie tidleg i sesongen melde seg for alvor inn i kampen om årets mål. Lode leverte ein prosjektil av eit mål heime mot Kristiansund, og hans første mål i den gule trøya.

I november resulterte dei gode prestasjonane i uttak på A-landslaget.

Kontrakten til midtstopparen går ut i desember 2021.

– Marius er ein spelar som har hatt ein utruleg utvikling og framgang i Glimt. Han er ein vi er veldig glad i, og eg trur det er gjensidig, fortel Bjørkan.

Sportsnyheter

Forfangs første NM-gull, kombinert-Riiber imponerte med sølv

Johann André Forfang tok NM-gullet i hopp i Holmenkollen, men det var kanskje kombinertløpar Jarl Magnus Riiber som stal merksemda.

Vilde Nilsen 2,8 sekunder bak en gullmedalje: – Jeg slet med å stå på beina

Det ble et dramatisk oppgjør om sekunder da Vilde Nilsen (21) tok VM-sølv i VM i snøsport på Lillehammer tirsdag. 21-åringen var kun 2,8 sekunder bak gullvinneren Ludmila Liasjenko.

Siste nytt

  • Stöckl fortsatt i kontraktsforhandlinger

    Landslagstrener Alexander Stöckl er ønsket i fire nye år som trener for de norske hopperne, men fortsatt er ingenting spikret.

    – Vi er i dialog om ny kontakt, men vi har ikke kommet helt i mål ennå, sa Stöckl til NTB tirsdag kveld.

    Stöckls kontrakt går ut i mai. Etter hoppbråket i fjor høst ymtet han frampå om at han ikke ville fornye kontrakten hvis ikke Clas Brede Bråthen ble med videre. (NTB)

    Hoppuka 2021-2022
    Foto: Geir Olsen / NTB
  • Sjokkexit for Dortmund og Haaland

    Tross en Erling Braut Haaland-scoring, ble det 1-2-tap for andredivisjonslaget St. Pauli. Det betyr at tittelforsvarer Dortmund er slått ut av den tyske cupen.

    St. Pauli, som leder 2. Bundesliga, var i føringen med to mål før pause og hadde god kontroll på oppgjøret. Etienne Amenyido og et selvmål av Axel Witsel sto for scoringene til hjemmelaget.

    Håpet om å snu kampen for gjestene ble tent da Haaland scoret fra straffemerket i det 58. minutt. Men det ble bare med håpet, for Dortmund klarte aldri å snu kampen og er dermed ute av cupen.

    Germany Soccer Cup
  • Opseth med suverent NM-gull

    Silje Opseth var best i begge omgangane og tok eit klart NM-gull i hopp i Holmenkollen. Med 118 og 120 meter var ho 16,3 poeng framfor sølvvinnar Anna Odine Strøm. Strøm hadde 116,5 og 115 meter.

    Thea Minyan Bjørseth tok bronsen. Med 110,5 og 117,5 var ho 20,9 poeng bak Opseth.

    Alle tre medaljevinnarane blei tidlegare på dagen tekne ut til OL.

Sendeplan

Kl. Program Kanal