Brækhus mot stjernemøte: – Kan bli tidenes kamp

Cecilia Brækhus er villig til å gå opp i vekt for å kunne møte Claressa Shields i «tidenes superkamp» i boksing for kvinner.

Claressa Shields

SUPERMOTSTANDAR: Claressa Shields kan bli Cecilia Brækhus' neste motstandar, det blir i så fall tidenes boksekamp for kvinner

Foto: Mitchell Leff / AFP

– Om det blir noko av kampen, blir det absolutt den største kvinnekampen i bokse-historia, det kan vi heilt klart seie, seier NRKs bokseekspert Anders Øfsti.

– Kvifor?

– Det er to meistrar som enno ikkje har tapt, og med belte i bøtter og spann, seier Øfsti.

Cecilia Brækhus

LEGENDA: Cecilia Brækhus er sjølve inkarnasjonen på kvinneleg boksing, men i det siste er det andre som har vore mest i rampelyset

Foto: Berit Roald / NTB scanpix

Brækhus (37) har 35 profesjonelle sigrar bak seg. Shields (24) har ni.

– Brækhus er langt meir rutinert i proffsirkuset, men på sine ni kampar har Shields alt samla mange belte.

Grunnen til at Shields ikkje har mange kampar, er at ho venta med å bli proff til etter OL i 2016. Då hadde ho to OL-gull, frå London og Rio, og blei den einaste amerikanske boksaren i historia – uansett kjønn – som har to OL-gull.

Brækhus har ikkje boksa sidan før jul. Men no er ho klar for superkamp med Shields, skriv TMZ Sports.

– Eg vil gjerne vere i ein ring med henne, seier Brækhus.

Cecilia Brækhus' manager John Rein seier til NRK at det enno ikkje er klart om det blir ein slik kamp. Brækhus skal til USA om ein månads tid. Det er først og fremst for å trene, og kanskje også sjå seg om etter motstandar og ny kamp.

– Men det blir uansett ikkje før etter sommaren, seier Rein.

Vekt-skilnad

Problemet er at det er tre vektklasser og fem-seks kilo mellom dei to.

– Men eg går gjerne opp i vekt dersom Claressa går ned, seier Brækhus.

– Det er noko nytt. Når Brækhus tidlegare har møtt motstandarar frå andre vektklasser, er det motstandarane som har justert seg. Cecilia har vore den som har halde seg på si vekt, seier Anders Øfsti.

Men han trur ikkje det blir noko problem.

Katie Taylor

BRAY BOMBER: Irske Katie Taylor er den siste i trioen som NRKs ekspert meiner er topp tre i kvinneboksing

Foto: Sarah Stier / AFP

Brækhus har ikkje boksa sidan ho slo Aleksandra Magdziak Lopes 8. desember. Sidan det er det Shields og irske Katie Taylor som har vore i rampelyset i boksing for kvinner.

Topp tre: Brækhus, Shields og Taylor

Taylor er 60 kilo og boksar i lettvekt, og har henta fire belte. Taylor er også olympisk meister, og kamp mot Brækhus er også ein potensiell storkamp.

– Desse tre, Brækhus, Shields og Taylor, er nok topp tre i boksing for kvinner, meiner Øfsti.

– Eg trur Cecilia Brækhus kjenner litt på behovet for å kome i rampelyset igjen. Shields mot Hammer i Atlantic City skapte enorm merksemd og stor ståhei. Vi veit også at Taylor snart skal opp mot Delfine Persoon i Madison Square Garden i New York. Det er veldig mykje «fuss» rundt andre kvinnelege bokseprofilar. Men det er Brækhus som er legenda.

Øfsti legg også vekt på at boksarane ofte blir definert ut frå motstandarane sine.

– Brækhus' siste motstandarar har ikkje vore av ein slik kvalitet at det gir status. Kvaliteten og styrken på motstandarane er også med når karrieren og ettermælet skal gjerast opp til slutt. En kamp mot Shields vil løfte Cecilia sitt ettermæle.

– Joe Frazier og George Foreman er legendar, men ville neppe hatt samme posisjon utan kampane mot Mohammed Ali.

Siste nytt

  • Troppen i EM-kvaliken

    Dette er troppen til EM-kvalifiseringskampene borte mot Hviterussland og Færøyene 4. og 8. oktober:

    Cecilie Fiskerstrand (LSK Kvinner), Oda Maria Bogstad (Arna-Bjørnar), Aurora Mikalsen (Manchester U.), Ingrid Moe Wold (LSK Kvinner), Maren Mjelde (Chelsea), Maria Thorisdottir (Chelsea), Synne Skinnes Hansen (LSK Kvinner), Tuva Hansen (Klepp), Kristine Bjørdal Leine (Reading), Ina Gausdal (LSK Kvinner), Kristine Minde (Wolfsburg), Frida Maanum (Linköping), Rikke Bogetveit Nygard (Arna-Bjørnar), Ingrid Syrstad Engen (Wolfsburg), Lisa Naalsund (Sandviken), Karina Sævik (Paris Saint-Germain, Amalie Eikeland (Reading), Guro Reiten (Chelsea), Vilde Bøe Risa (Koppabergs/Göteborg), Caroline Graham Hansen (Barcelona), Lisa-Marie Karlseng Utland (Reading), Elise Thorsnes (LSK Kvinner), Isabell Herlovsen (Kolbotn).

    Landskamp fotball kvinner: Norge-England (2-1).
    Foto: Marit Hommedal / NTB scanpix
  • Norsk EM-gull i skyting

    Jeanette Hegg Duestad og Simon Kolstad Claussen tok EM-gullet i skyting på øvinga blanda lag 50 meter liggande i Bologna tysdag.

    I finalen var dei suverent best og leia gjennom heile konkurransen. Dei vann føre Russland og Storbritannia.

    – Det kjennest fantastisk. Vi skaut godt både i kvalifisering, semifinale og finale, og er kjempefornøgde. For ei herleg oppleving, seier Jeanette Hegg Duestad.

    Simon Kolstad Claussen
    Foto: Norges Skytterforbund
  • Neymars straff redusert

    Den internasjonale idrettsdomstolen CAS har redusert Neymars utestenging frå tre til to meisterligakampar. Det betyr at superstjerna er klar for PSGs kamp mot Brugge 22. oktober.

    Neymar blei utestengd for sterke angrep mot dommarane på sosiale media etter PSGs kamp mot Manchester United i mars. PSG blei slått ut etter at United fekk straffe i kampens siste minutt.

    Neymar
    Foto: Lionel Bonaventure / AFP

Sendeplan

Kl. Program Kanal