NRK Meny
Normal

Arrangøren tek grep etter Carlsen-kritikk

NEW YORK/OSLO (NRK): Magnus Carlsen klaga over støy under opningskampen i sjakk-VM. No lovar VM-sjefen bot og betring.

Magnus Carlsen

REMIS: Det første VM-partiet mellom Magnus Carlsen og Sergej Karjkain enda med remis.

Foto: Pontus Höök / NTB scanpix

– Me kan be folk slutte å skrike, det gjorde me ikkje før den første kampen. Det gjer me nok no, seier president i Agon, Ilya Merenzon.

Agon er arrangøren bak årets sjakk-VM, og Merenzon har tydeleg teke til seg kritikken frå ein frustrert Magnus Carlsen etter gårsdagens remis i opningskampen av VM i sjakk.

– Vi kunne høyre nokre lyder utanfrå, so me var ikkje helt avstengt frå omverda, sa Magnus Carlsen til NRK.

Og det er på ein litt spesiell arena at verdas to beste sjakkspelarar møtest.

Glasburet

For inne i eit glasbur, midt i New York, konkurrerer Magnus Carlsen og Sergej Karjakin om å bli verdsmeister i sjakk.

Men rundt buret sit det hundrevis av VIP-tilskodarar og følgjer samtlege oppgjer. Fleire av partia er heilt utseld.

Og trass i at glaset skal vere heilt lydtett, høyrde både Carlsen og Karjakin lydar utanfrå under det første partiet.

Glassburet

GLASBUR: Slik ser det ut for tilskodarane som følger sjakk-VM.

Foto: Pontus Höök / NTB scanpix

– Under partiet høyrde eg nokre lydar, men eg prøvde berre å konsentrere seg. Ein kan ikkje følge med på det som skjer rundt, seier Karjakin til NRK.

Og dei lydane vil VM-sjefen gjere noko med.

– Eg veit at dei klaga, og då må me prøve å gjere noko med problemet, seier Ilya Merenzon til NRK.

Isolere dørene

I tillegg til å be folk om å slutte å rope under kampen, vil Merenzon prøve å gjere resten av buret so lydtett som mogleg.

Merezon

TEK GREP: Ilya Merenzon lovar at glasburet skal bli meir lydtett.

Foto: Roald, Berit / NTB scanpix

– Me kan betre isoleringa for å gjere det meir lydtett. Golvet kan også forsterkast. Sjølve glaset er lydtett, men dørene er kanskje ikkje heilt tette.

VM-sjefen påpeiker at dei er veldig opptekne av å legge forholda til rette for at både Carlsen og Karjakin skal kunne prestere best mogleg.

– Eg vil ikkje at dei skal bekymre seg for noko. Viss bråket gjer det, vil eg prøve å gjere noko med det.

Og det er nok Magnus Carlsen særleg glad for.

– Eg håpar me er enda meir i vår eiga verd neste gong, sa Carlsen etter det første VM-partiet.

Laster innhold, vennligst vent..

Siste nytt

  • Chris Froome sikret seieren

    Chris Froome sto imot alle angrep på siste fjelletappe i Giro d'Italia og forsvarte den rosa ledertrøya. Søndag sykler han i mål i Roma som sammenlagtvinner.

    Froome vil dermed være regjerende mester i alle de tre Grand Tour-rittene.

    Chris Froome
    Foto: LUK BENIES / AFP
  • Riccardo i pole position

    Red Bull-føraren Daniel Riccardo var best i kvalifiseringa og startar fremst i Monaco Grand Prix søndag. Ferraris Sebastian Vettel startar ved sida av Riccard i løpet. Vettel vann løpet i fjor.

    Monaco Grand Prix er einaste formel 1-løpet som går i bygater, ikkje på spesielle baner.

    Monaco Grand Prix
    Foto: ANDREJ ISAKOVIC / AFP
  • Skadetrøbbel for Pedersen-rival

    Tyske Pamela Dutkiewicz må utsette sesongstarten på grunn av en skade, melder hun selv på Instagram

    Dutkiewicz tok VM-bronse i fjor, og er Pedersens største konkurrent i EM i sommer.

    Germany's Pamela Dutkiewicz
    Foto: Andrej Isakovic / AFP

Sendeplan

Kl. Program Kanal
Toppserien: Superhelg
Toppserien: Stabæk - Sandviken
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 Eliteserien: Vålerenga - Lillestrøm
Sportslørdag: Opprykkskamp engelsk eliteserie og mesterliga semifinaler håndball menn
Mesterligaen: Finale Real Madrid - Liverpool
Friidrett: Diamond League fra Eugene
Friidrett: Diamond League fra Eugene