Piastri-kaos i formel 1
Formel 1-laget Alpine offentleggjorde tysdag at dei har signert Oscar Piastri for neste år. Piastri nektar for det og seier at han ikkje skal køyre for Alpine.
Det skriv han på Twitter.
– Utan mi godkjenning har Alpinse sendt ut ei melding om at eg skal køyre for dei. Det er feil. Eg har ikkje signert kontrakt med Alpine for 2023 og skal ikkje køyre for dei neste år, skriv Piastri.
Meldinga kjem etter at Alpine på sin Twitter-konto offentleggjorde at ungguten blir lagets nye fører når Fernando Alonso forsvinn til Aston Martin.
Piastri har vore ein del av Alpines juniorprogram sidan 2020 og er i årets Formel 1-sesong reserve for både Alpine og McLaren. Ifølge The Race meiner McLaren å ha rett på Piastri neste år.
I løpet av sesongen har han testa F1-biler på ulike baner rundt om i verda, og det var venta at han skulle få debutere som Formel 1-fører under treninga til Frankrikes Grand Prix. Det blei utsett.
21-åringen debuterte i Formel 2 førre sesong og vann samanlagt i første forsøk. Han samla elleve pallplassar, der seks var sigrar.
Han vann også Formel 3-samandraget året før.
