Ulykka skjedde på fylkesveg 418 ved 6.40-tida måndag morgon. Kring ein time seinare stadfesta politiet at ein person omkom.
To bilar var involvert i ulykka.
Ein bil skal ha fått skrens på bilen og deretter køyrt inn i sida på ein annan bil, opplyser politiet. Den omkomne sat fastklemd i bilen i kort tid før han vart frigjort.
– Det var ein person i kvar bil, seier operasjonsleiar i Agder-politiet Eyvind Formoe til NRK.
Den andre personen skal ikkje vere alvorleg skada.
Både politi, brannmannskap og ambulanse er på ulykkesstaden.
Årsaka til ulykka er førebels ikkje kjent. Politiet har sett i gang etterforsking.