– Vi har hatt mange hundre henvendelsar på telefon. Opp mot 700 på dei vanskelagaste dagane, seier administrerande direktør i Agder Kollektivtrafikk (AKT), Siv Viken til NRK.no.
- LES OGSÅ: Billettkrøll for Nettbuss
I tillegg har AKT henta inn ekstra folk til å betjene telefonane fleire gonger sidan Nettbuss Sør tok over, for å ta unna klagestormen.
– Vi har svikta
– Det går på forseinkingar og kundebehandling, seier ho.
Administrerande direktør i Nettbuss Sør, Anders Roger Øynes, vedgår at busselskapet har svikta.
- LES OGSÅ: Set inn vakter på bussane
- LES OGSÅ: Nettbuss trues med bøter
– Det vi har levert til no er ikkje godt nok. Vi gjer nokon feil, så vi er ikkje robuste nok til å tole både omstilling og dårleg vêr samstundes, seier han til NRK.no.
Han skuldar også på interne problem med blant anna sjåførane.
Går gjennom klagene
– For dei som var med over frå AS Bussen til Nettbuss Sør har det vore ei stor endring. Dei endringsprosessane klarar ein aldri å førebu seg godt nok til. Det har slått uheldig ut for vår del, seier Øynes.
- LES OGSÅ: Skal selje busskort i kiosken
Alle kundeklager skal no gåast gjennom, og Nettbuss Sør lovar rask betring.
– Forhåpentlegvis skal vi no klare å levere eit produkt som er veldig bra, seier han.
