– Det vert jobba intenst både lokalt og nasjonalt. Det har blitt eit nasjonalt problem som no vert sett søkelys på i heile Norge, seier administrerande direktør i Agder Kollektivtrafikk, Siv E. Wiken til NRK.no.
Jobbar med nettløysing
Dei første utsalsstadene vil vere i drift allereie frå 10. januar, skriv fvn.no. I første rekkje dreiar det seg om 30 dagars kort og flexikort. Dei første utsalsstadene kjem i Kristiansand, Nodeland og Søgne.
- LES OGSÅ: Billettkrøll for Nettbuss
- LES OGSÅ: Set inn vakter på bussane
– I tilegg har vi kjøpt ei webløysing som gjer at ein skal kunne oppdatere kortet sitt på internett. Så testar vi også ut bankterminalar på buss. Det er nokre utfordringar der forsi det er litt lang transaksjonstid. Så det hopar seg opp, seier Wiken.
– Er dette ein direkte konsekvens av at det var åtte bussran i Kristiansand i fjor?
– Det intensiverer dette arbeidet, men det har vore jobba lenge med å redusere kontantar på buss. Det gjer også at bussen kjem raskare fram. Men det er klart at alle rana vi har hatt gjer at dette vert framskunda, seier ho.
Set inn vakter
Måndag vart det klart at det vil bli sett inn vakter på bussane i Kristiansand på grunn av ei rekkje ran.
- LES OGSÅ: Sjåførane fryktar for liva sine