Ulykke under veiarbeid i Åmli kan øke kostnader for fylkesvei 415-prosjektet

Hopp til innhold

Saken oppsummert:

En gravemaskin sklei ut i vannet under veiarbeid ved Gjerustadkilen i Åmli, og cirka 20 meter av den nye veifyllingen sank ned i kilen sammen med maskinen.
Det ble først antatt at man hadde boret ned til grunnfjell, men det viste seg å være et løst lag under dette som fyllingen skled på.
En liknende hendelse skjedde også 24. februar, men det ble da antatt at det dreide seg om et uhell, ikke grunnforholdene.
Fylkeskommunen har bestilt ekstra grunnboring av området for å sikre forholdene for det videre veiarbeidet.
På grunn av mulig forurensning fra maskinen ble brannvesenet varslet, og en dykker har sjekket forholdene i vannet.
Vei-prosjektet, som er på 5 kilometer og beregnet til å koste 200 millioner, vil trolig bli dyrere som følge av hendelsen.

Oppsummeringen er laget av en KI-tjeneste fra OpenAi. Innholdet er kvalitetssikret av NRKs journalister før publisering.

– Dette kunne ha gått veldig ille for det er store krefter på gang når ei stor maskin sklir ut i vatn, seier fylkesdirektør for samferdsel i Agder Ola Olsbu.

Fredag 1. mars sklei ei gravemaskin ut ved eit vatn ved Gjerustadkilen i Åmli. Der blir det bygd ei vegfylling for ny fylkesveg mellom Åmli og Tvedestrand.

Maskinføraren tok seg ut av maskina og kom seg inn på trygg grunn.

Saman med gravemaskina sokk cirka 20 meter av den nye vegfyllinga og blei borte under vatn.

Ligg framleis under vatn

Olsbu orienterte onsdag samferdselspolitikarane i fylket om hendinga og konsekvensane av ho.

Han fortel at dei trudde dei hadde bora heilt ned til grunnen, men at det viste seg å ikkje stemme.

– Det var eit løyst lag under det vi trudde var fjell som heile fyllinga har sklidd på, seier Olsbu.

Over ein månad etter hendinga ligg gravemaskina framleis under vatn. Årsaka er at ein vil sikre at redningsarbeidet skjer på ein trygg måte, ifølge Olsbu.

Også 24. februar skjedde ei liknande hending same stad. Denne gongen sklei gravemaskina og fall på sida. Den hamna ikkje under vatn.

Olsbu seier dei da trudde det dreidde seg om eit uhell og ikkje om grunnforholda.

Tar sikkerheita på alvor

Byggeleiar Paul Ridola i Agder fylkeskommune har i ei pressemelding uttalt at det viktigaste er at ingen blei skadde.

– Menneska som jobbar på prosjektet og sikkerheita deira tar vi på største alvor, sa Ridola.

Samferdselssjef Ola Olsbu seier dei nå har god dialog med entreprenøren for å finne nye tekniske måtar å løyse problemet på.

– Vil dette forseinke prosjektet?

– Vi må komme tilbake til om det er mogleg å ta det igjen eller om det blir meirarbeid. Det viktigaste er å finne ei løysing som gir full sikkerheit for maskiner, mannskap og dei som jobbar på anlegget.

Vegstrekninga på 5 kilometer er og berekna å koste 200 millionar kroner. Det er fylkesveg 415 mellom Selåsvatn og Simonstad som blir bygd om.

Olsbu bekreftar at prosjektet truleg vil bli dyrare som følge av hendinga.

Brannvesenet blei varsla

Fylkeskommunen har bestilt ekstra grunnboring av området. Riggen kom til prosjektet 5. mars for å starte undersøkingar.

Byggherre og geoteknikar jobbar vidare for å sikre forholda for det vidare vegarbeidet i Gjerustadkilen.

På grunn av mogleg forureining frå maskina blei brannvesenet varsla om hendinga 1. mars og dei la ut lenser for oppsamling av eventuelle utslepp frå gravemaskina.

Ein dykkar har også vore nede i vatnet for å sjekke forholda.