– Vi vil ikkje at ting skal vere ugjort eller uprøvd når det står veldig mange viktige poeng på spel, seier sportsleg leiar Per Carsten Michelsen til NRK.
Handballklubben toppar eliteserien à poeng med Haslum med fire serierundar att.
Haslum har spelt ein kamp meir enn arendalittane etter at dei slo Stord på heimebane tidlegare denne veka.
- Les også: Vil ikkje snakke om seriegull
Utkvilte spelarar
Det betyr at ØIF ikkje har råd til å gje frå seg poeng for å behalde førarsetet i tetstriden.
Difor reiser klubben austover allereie laurdag ettermiddag og ladar opp til kampen mot Bækkelaget søndag kveld.
– Vi har ein del småbarnsforeldre i gruppa vår. Dei skal få kvile skikkeleg og vi vil ha kontroll på heile gjengen. Vi veit at dei har kvilt og ete godt før det vi ser på som ein veldig viktig kampen, seier han.
- Les også: Skal granske publikumssvikt
God effekt tidlegare
Ifølgje Michelsen var det spelarane sjølve som ynskte å reise austover dagen før kampen.
– Vi har sett at det har ein effekt. Vi får samla spelarane og får eit skikkeleg spelarmøte. Vi har hatt god suksess med det tidlegare.
– Eg trur nesten ikkje vi har tapt tidlegare når vi har overnatta før ein bortekamp, legg han til.