Fann 1.2 tonn dumpa bilbatteri i skjergarden

Det har vore ei travel veke for dykkarar på Sørlandet denne veka.

Søgne dykkarklubb henta opp 1,2 tonn med dumpa bilbatteri frå Farsund-skjergarden denne veka.

– Det er skremmande, det er mykje graps som ikkje høyrer heime på havbotnen, fortel Karl Klungland, leiar i Søgne dykkarklubb.

Han fortel at dei finn mykje søppel, men også mykje såkalla spøkelsesreiskapar som framleis står og fiskar.

Ryddinga skjer i samband med Havmonsteruka, der Farsund ungdomsskule og dykkarklubben går til kamp mot søppel i havet.

Det blei også henta opp 161 etterlatne teiner, garn og rusar.

8 år med rydding

Søppelrydding langs Sørlandskysten starta i 2015.

Ulike dykkarklubbar har gjennom åra plukka opp 8000 gjenstandar men det er mykje igjen

Dei starta opphavleg med å sjå etter spøkelsesreiskapar, men så fort at det var mykje anna òg.

– Det var heilt tullete og ikkje ta det med, når vi først var under vatn, seier Klungland.

Over 14.000 tonn rydda

På landsbasis har er det registrert at rundt 14.100 marint søppel har blitt rydda frå 2015 og fram til i dag.

Det viser oversikta Ryddestatus Noreg frå Miljødirektoratet.

Aksjonane er gjennomførte av frivillige og dei som jobbar med marin forsøpling.

Dykkarane jobbar på dugnad, men håpar å få dekt utgiftene. Men for at havbotnen skal halde fram med å vere rein, må det meir til.

Ævearbeid

Gjennom dei siste åra har dykkarane blant anna funne bildekk, bilbatteri, møblar, båtar.

– Vi blir nok aldri ferdig med mindre vi gjer noko med tilførselen.

Han meiner folk må bli meir bevisste. Han meiner også det må til regelverksendringar for fiskereiskapar.

– Vi kan ikkje halde på med dette til evig tid.