Dei siste vekene har han hatt base i Førde, og reist til konkurransar i Belgia, England, Nederland, Sverige og Danmark. I Førde har det vorte to treningsøkter til dagen. No er han klar når startskotet går klokka 19:50 i kveld.
– Eg er overraska over at eg er her, men samstundes er eg førebudd og har trent godt sidan januar, seier Marius Vedvik.
- LES OGSÅ:
- LES OGSÅ:
22-åringen frå Førde representerer til vanleg Gaular i Bergen og i Norge er Marius Vedvik heilt i eliten. For to år sidan debuterte han på 10.000 meter med tida 30.25. Tidlegare i sommar klarte han A-kravet til EM med tida 28.48. Målet hans i kveld er å bli blant dei fem til ti beste.
- LES OGSÅ:
- LES OGSÅ:
Sprang for å rekkje MacGyver
Løpskarrieren starta då han for fire år sidan litt tilfeldig blei med på løpet Rett Vest i Florø.
– Eg sprang på rundt 37 minutt og vann løpet.
Han fortel at før det, dreiv han med lagidrett og løping heim frå skulen for å rekke MacGyver på TV.
Framgangen kom raskt då han byrja å satse for fullt. I år har han forbetra 10.000 meter tida si med 75 sekund og brått var han på EM-laget.
På startstreken med verdsstjerne
I kveld står han side om side med dei beste løparane i verda. Tilsaman 24 løparar stiller til start, mellom anna superstjerna og dobbelt verdsmeister Mo Farah.
– Han er einaren i verda, så det er stort å stå ved sida av han. Men det viktigaste er fokusere på eigen prestasjon, seier Vedvik.