Geologane har ulike forklaringar på kva som var årsaka til sørpeskredet som måndag kveld tok to menneskeliv i Balestrand, det skriv Bergens Tidende.
Både geologar frå Statens vegvesen, og geologar frå Norges Geotekniske Institutt gjorde undersøkingar av raset som sopte med seg eit bustadhus ved Fleste i Balestrand.
- LES OGSÅ:
- LES OGSÅ:
Meiner fleire snøskred demde opp elva
Men geologane har ulike forklaringar på kva som var årsaka til sørpeskredet.
Geologane frå vegvesenet meiner fleire mindre snøskred har demt seg opp i elva. Massane har deretter samla opp smeltevatn og regnvatn og til slutt losna, skriv avisa.
Dette førte til eit stort sørpeskred som kom nedover dalen i 80 kilometer i timen.
- Våte snømassar sklei ut
Geologane frå Norges Geotekniske Institutt (NGI) er derimot av ei anna oppfatning.
Dei meiner det tjukkesnølaget som har lege i det flatare området rundt elva har blitt gjennomvått, og så glidd ut. Dei trur ikkje som geologane frå vegvesenet at det har gått eit snøras.
- Vi kan ikkje sjå vekk frå det, men vi såg ikkje spor etter eit slikt skred, seier Ulrik Domaas i NGI til Bergens Tidende.
(Artikkelen held fram under biletet)
Fronten kan ha vore seks meter høg
At det var store krefter i sving er nok ingen usamde om. Då sørpeskredet kom var det som ei flodbølgje av snø, vatn, is, jord, stein og tre som kom i ei veldig fart.
Ifølgje geologane frå vegvesenet kan skredfronten ha vore så høg som seks meter. Sambuarparet i bustadhuset var sjanselause då skredet kom utan forvarsel.
- LES OGSÅ:
- LES OGSÅ:
Usamde om tidspunkt for vegopning
Dei ulike vurderingane av kva som utløyste skredet, gjorde også til at geologane var usamde i kor tid fylkesveg 55 kunne opne att, skriv Bergens Tidende.
- LES OGSÅ:
Vegvesenet meinte det var trygt og opne vegen onsdag, medan geologane frå NGI var meir skeptiske til dette. Dei meinte det endå låg att store snømassar rundt elvelaupet lengre inne i dalen, som kunne kome til å rase ut.
NGI arbeider no med ein rapport om hendinga. Dei håpar å kunne levere den til Balestrand kommune innan eit par veker.