Midtvegs i 2. omgang i andrelags-kampen mot Stryn måtte haugesundaren ut på båre etter at han fekk foten til ein motspelar rett inn i ankelen.
– Det gjer vondt, men det er vanskeleg å seie noko om skadeomfanget no, sa Utvik til Sogn Avis etter kampen.
Ingen brot
17-åringen blei frakta til sjukehuset i Lærdal der dei tok røngten. Men til alt hell synte det seg at det ikkje var brot i foten.
– Han har fått seg ein kraftig trøkk i blautdelsvevet i ankelen, men dei fann ingen brot, seier sportsleg koordinator i Sogndal fotball, Håvard Flo, til NRK tysdag kveld.
- LES OGSÅ:
- LES OGSÅ:
Må gå med gips
No har Utvik fått gips på foten som han må gå med i første omgang i to veker framover. Han ville normalt ha vore aktuell for cupkampen på Fosshaugane onsdag, og deretter er det fotballferie.
– Det kan vere skadar i leddband, men det vil syne seg når ein tek av gipsen, seier Håvard Flo.
- LES OGSÅ:
- LES OGSÅ:
Neppe store endringar
Sogndal møter onsdag kveld 1. divisjonslaget Ull/Kisa i 3. runde i cupen, etter at dei tok eitt viktig poeng heime mot Start søndag.
– Det blir neppe mange endringar på laget frå Start-kampen. Vi må vente oss ein tøff kamp, der Ull/Kisa garantert vil gå ut og krige for siger, sler Flo fast.
Slik vert 3. runde i NM-cupen spelt:
Onsdag 29. mai klokka 18.00:
Kvik Halden – Lillestrøm
Asker – Vålerenga
ODD – Sandefjord
Viking – Bryne
Vard Haugesund – FK Haugesund
Brann – Mjøndalen
Sogndal – Ull/Kisa
Hødd – Molde
Ranheim – Aalesund
Levanger – Rosenborg
Bodø/Glimt – Elverum
Tromsø – Follo
Alta – Hønefoss
Torsdag 30. mai klokka 18.00:
Stabæk- Fredrikstad
Kongsvinger – HamKam
Flekkerøy – Start
