Det vart klart etter at samferdsleutvalet i fylket hadde møte tysdag. I løpet av ettermiddagen onsdag skal også hovudutvalet ta stilling til saka.
Vil ta opp lån
Pengane til vegen i Bremanger vil utvalet låne
– Vi må prøve å løyse desse små parsellane som står att i Bremanger, og vil finansiere dette med lån. Samstundes held vi oppe trykket på Olden – Innvik og skal ta den løyvinga når vi kjem til budsjettet for 2012, seier utvalsleiar Arnstein Menes (Sp).
- LES OGSÅ:
Ikkje bompengar
Det har vore ein del røyster på kysten som meiner at Stryningane må sjølve vere med på å finansiere Olden-Innvik med bompengar slik andre deler av fylket har gjort, men utvalet går ikkje inn på ein slik tanke.
- LES OGSÅ:
– Vi ønskjer i utgangspunket ikkje å gå imot det lokale vedtaket. Dei har hatt diskusjon om dette tidlegare, og har kome fram til at dei ikkje ønskjer bompengefinansiering på dette tiltaket.
(Artikkelen held fram under biletet)
Avtale med gruveselskap
Samferdsleutvalet seier også ja til avtalen mellom fylkeskommunen og Nordic Mining om opprusting av vegen til Engebø i Naustdal dersom det vert gruvedrift i området. Nordic Mining vil spytte inn 40 millionar i denne vegen.
Og utvalet seier ja til Kinnvegen og Osstupen Bru i Flora, Torheimvegen i Eid, Håkesundet bru i Bulandet
(Artikkelen held fram under biletet.)
Sparte pengar i Bremanger
Menes trur innsparinga dei fekk på Bremanger II skal rekke til mykje.
- LES OGSÅ:
– Vi meiner at den bufferen vi har no på ca 160-170 millionar kroner bør dekke mykje av dette, så det håpar vi å få til.
Saka blir endeleg avgjort av fylkestinget i 6. april