NRK Meny
Normal

Klart for sykkelfest i Sogn og Sunnfjord

For første gong kjem det store sykkelsirkuset Tour des Fjords til Sogn og Fjordane. Om ein månad, den 24. mai, trillar verdas beste syklistar inn i fylket.

Alexander Kristoff vinner i Stavanger Tour des Fjords

MÅLAGANG: Her går Alexander Kristoff over målstreken i Stavanger under Tour des Fjords i 2016.

Foto: Johansen, Carina / NTB Scanpix

144 syklistar frå 21 nasjonar deltek på første etappen i fylket som startar i Balestrand og tek syklistane over Gaularfjellet og Rørvikfjellet via Moskog, rundt Jølstravatnet og til mål i Førde.

Arrangørane håpar på folkefest.

– Vi har gode samarbeidspartnarar i kommunane der løpet går, og dei jobbar no for å mobilisere folk til å kome seg ut langs løypa, seier prosjektleiar Vidar Slettehaug.

Den andre etappen skal starta i Gulen og går til Norheimsund. Dei tre neste etappane tek syklistane heile vegen til Stavanger.

Heile verda ser på

Bileta frå sykkelrittet i Sogn og Sunnfjord skal sendast til 50 land. For dei som vil oppleve sykkelsirkuset på nært hald er starten i Balestrand og målgangen i Førde gode plassar.

– Eit anna tips kan vere på Gaularfjellet og Rørvikfjellet, der går farten noko ned slik at ein får sett syklistane betre, seier Slettehaug.

Løypeprofil Tour Des Fjords Balestrand - Førde

FRÅ BALESTRAND TIL FØRDE: Slik ser løypa ut, der sykkelstjernene skal måle styrke.

Foto: Skjermdump

«After bike»

I samband med rittet vert det ei rekke arrangement både på dag og kveldstid.

Vidar Slettehaug, Tour des Fjords

HÅPAR PÅ FOLKEFEST: Vidar Slettehaug er prosjektleiar for Tour des Fjords.

Foto: Arne Stubhaug, NRK

– Etter at syklistane har forlate Balestrand blir det barnesykkelritt og sidan det er «Kristi-Himmelfartsdag» dagen etterpå og folk har fri, blir det også «after bike» på kvelden. I Førde startar vi allereie klokka 12 med eit BMX sykkelshow.

I Førde er også alle skulane inviterte.

– Slik at alle elevane kjem til Festplassen og vert med på det vi lagar til her. Også i Førde vert det barnesykkelritt, og på kvelden etter målgang vert det konsert, seier Slettehaug.

Stengde vegar

Medan sykkelrittet går føre seg får det konsekvensar for trafikken. E39 vert i periodar stengd for annan trafikk.

– Det er klart at det vert nokre praktiske utfordringar i samband med rittet. E39 vert stengt for gjennomgangstrafikk i ein periode og Førde sentrum vert stengt frå kring klokka 16 og til ryttarane har gått i mål, seier Slettehaug.

Styrker beredskapen

På grunn av dei mange stengingane på E39 i samband med sykkelrittet Tour Des Fjords harHelse Førde bestemt seg for å styrke beredskapen sin.

Ambulansesjef Stian Sægrov i Helse Førde seier det ikkje skal svekke beredskapen.

– Vi har hatt ein dialog med arrangøren og har tenke å styrke beredskapen utanfor sjukehus med å nokre fleire ambulansar i drift. Og også plassere ut ambulansar på det vi kallar strategiske punkt, seier Sægrov.

– Kva punkt kan det vere?

Stian Sægrov

STYRKER BEREDSKAPEN :Ambulnasesjef Stian Sægrov

Foto: Marie Stafsnes Osland / NRK

– Særleg nå rittet kjem inn til Førde der dei skal køyre tre rundar i sentrum, då vil vi flytte ambulansar ut, slik at vi har ambulansar i Halbrendslia, på Haugum og på Sanderplassen, seier Sægrov.

– E39 vert og stengd ein periode, kva tiltak har de der?

– Vi vil ha ein ambulanse på Skei, vi kan og køyre på andre sida av vatnet i tillegg har vi ein dialog med arrangøren slik at det skal vere mogleg for utrykkingskøyretøy å kome seg fram, seier Sægrov.

.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.