Frå vondt til verre for vikjene

• Sjå også: Oppdaterte vegmeldingar hos NRK Trafikk

– Det er litt gale med problem i begge endar. Det er ikkje heldig. Spesielt går dette utover akuttberedskapen, då også flyvêret er dårleg, seier han.

Fjellet kan bli stengt

Tysdag morgon vart fylkesveg 13 stengd mellom Vikøyri og Vangsnes på grunn av steinras. Vegen er venta å vere stengd i fem dagar. At også dårleg vêr slår inn på Vikafjellet, stengjer det einaste alternative vegsambandet til og frå Vikøyri.

• Les også: Slik ser det us på rasstaden

Det er i kveld innført kolonnekøyring over fjellet, men vinden er venta å ta seg noko opp i natt. Kombinert med til dels kraftig nedbør, er det dårleg nytt for dei kring 1.200 innbyggjarane på Vikøyri.

• Les også: Då vegen vart stengd, visste Monica råd

Det var akkurat dette ordførar Turvoll frykta tidlegare i dag då vegen til Vangsnes vart stengd. Han vedgår at situasjonen er dramatisk for innbyggjarane i kommunen.

– No er det lite å gå på. Samstundes ligg personbåttransporten i beredskap i Vik gjennom natta, så ein kan gå sjøvegen om noko oppstår, seier Turvoll.

Dårleg sikt på fjellet

Ved Vegtrafikksentralen får NRK opplyst at det i kveld er til dels kraftig snøvêr på Vikafjellet. Vinden vil roe seg fram mot midnatt, men så vil vinden ta seg opp att før den igjen roar seg på morgonkvisten.

• Sjå: Oppdatert vêrvarsel hos yr.no

Brøytesjåfør Eirik Stadheim seier vêret er svært skiftande, men at det spesielt dårleg sikt frå fylkesgrensa til Hola.

• Les også: Set inn passasjerbåt mellom Vik og Vangsnes

– Så eg vil oppmode folk som skal over, om å komme seg over no. Heldigvis er det ikkje høge brøytekantar på fjellet no. Det hadde nok gjort situasjonen verre, og kunne ført til stengt fjell slik det er no, seier vaktoperatør Roger Nedberge Hille.

Set opp kriserute

På den positive sida har Fjord1 bestemt seg for å setje inn kriserute frå onsdag morgon. Ei av ferjene på sambandet Hella–Dragsvik–Vangsnes skal setjast inn på Vikøyri–Vangsnes.

Dette vil igjen føre til halvert kapasitet på trekantsambandet.

– Men det avheng av at ferja kjem til i Vik. Ferjekaien er gamal og smal, så vi testa dette ut i 09-tida i morgon. Fungerer det, så er planen å starte opp rute frå klokka 0930, seier regionleiar Tor Kristoffersen i Fjord1.

Dette gler ordførar Turvoll.

– Det er viktig når vegen blir stengd i så mange dagar. Sjølv om det går litt seinare, så kan ambulansen komme seg ut, seier han.