Lokalavisene Firda og Firdaposten sender kampen direkte her (abonnement).
– Eg sat lenge og tenkte på det og til slutt sa eg berre: «pokker eg stikker». Denne sjansen får eg sikkert ikkje igjen på mange, mange år. Om den skulle komme att, gliser han.
Måtte reise
Tage Herstad er florøværingen som tidleg på 2000-talet
. Men medan kompisar og broren kom frå Norge til Liverpool for å sjå Premier League-laget møte Manchester United på måndag, tok Herstad ein svipptur til Florø.- Les også: Fotballfeber i kystbyen
Billettane bestilte han onsdag. Fredag sat han på flyet frå Liverppol. Rundt midnatt kom han til kystbyen.
– Denne helga er det sikkert 3.000 nordmenn i Liverpool, og eg trur ikkje scouserane har noko i mot om ein reiste andre vegen. Og broderen har eg budd saman med store delar av livet, så han kjenner eg godt, humrar han.
– Er verdt kvar ei krone
– Men er det ikkje ein dyr og langreist kortvisitt?
– Det får så vere. Vinner vi, så er det verdt kvar ei krone. Om det er galskap? Er du først sjauar, så er du alltid sjauar og då kan du gjere dumme ting heile tida, skrattar han.
Kystbyen er kledd for opprykk, med velkommen flagg til gjestande allereie i Brandsøya. Lyktestolpane gjennom byen er pynta med flagg. Og gatene per preg av fotballheltane sine blå og svarte trøyer. Med strålande haustsol, er ramma for årets siste - og viktigaste heimekamp - perfekt.
Vart kasta ut
– Det er stas dette. Det som skjer i dag er veldig spesielt. Og sjølv om vi taper i dag, så har vi ein sjanse til, seier Herstad og legg til at han ikkje tek same turen om avgjerda først fell neste helg. Når Florø møter nedrykksklare Lørenskog på bortebane. Og rival Nest-Sotra tek imot Fyllingsdalen.
Så kjem erkjenninga.
– Men eg er eigentleg Tempo-mann. Vart faktisk kasta ut av Florø stadion ein gang då eg heia på Sandane. Det vart ein notis i lokalavisa, storskrattar han.
Lillestrøm og Start
– No er det andre tider. Både Terje Rognsø og Geir Rindheim er gamle Tempo-gutar. Eg berre håpar dette går, seier og ser supporterane i Stimen ta inn på Hjørnevikbua for å starte si opplading til kampen.
Herstad har følgt Florø frå fotballøya gjennom tekstmeldingar og live-oppdateringar. Når det no vart opprykkamp, måtte han gripe sjansen.
– Tenk, neste år kan Florø spele mot lag som Lillestrøm og Start. Og dei kjem på Florø stadion. Dette setter Florø på kartet. Det er også viktig for supporterkulturen og eg håpar folk byrjar å støtte laget også på bortebane, seier han.