Design-linja hamnar truleg på Eid vgs

Fylkestinget opnar i føremiddag, men fylkestingsmedlemmene kom saman til drøftingar i partigruppene allereie i går kveld.

Ifølgje Firda ser det før dei avsluttande drøftingane ut til å vere etablert ei raudgrøn semje mellom Ap, Sp og SV om å flytte studiespesialisering med formgjevingsfag frå Vassenden til Hafstad vidaregåande skule, saman med media/kommunikasjon.

• LES OGSÅ: Fylkesrådmannen: Ny strukturutgreiing om eitt og eit halvt år
• LES OGSÅ: Vil berge både Stryn og Høyanger

Diskuterer byte

Men trass i at Vassenden-miljøet har signalisert at dei ønskjer design og handverk flytta til Førde, vert dette i staden lagt til Eid vgs. som fylkesdekkjande tilbod.

Jenny Følling som er gruppeleiar i Sp, stadfestar dette ovanfor Firda.

– Slik eg har oppfatta det, har formgjevingsfaget vore viktigast å leggje til Førde, dersom tilboda på Vassenden først måtte splittast opp, seier Følling til avisa.

• LES OGSÅ: Sp sprikar i alle retningar
• LES OGSÅ: Høgre ønskjer fritt skuleval

Byte reiseliv mot transport

Det blir også diskutert eit byte mellom Førde og Florø der Ørane vidaregåande får inn vg2 data/elektronikk, mot at Florø vgs. får vg2 sal, service og tryggleik.

I Sogndal, skal det ifølgje Firda, vere aktuelt å ta ut tilbodet i vg2 reiseliv og ta inn eit tilbod i transport i staden.

• LES OGSÅ: Slik vil dei ha skulane i framtida