Det pågår sikringsarbeid på staden, og dei var i ferd med å bore for å sette opp eit fanggjerde då nokre steinar losna i ei steinrøys over vegen.
Anleggsarbeidarane kom seg unna, fortel prosjektleiar Jens-Ivar Nilsen i Statens vegvesen.
– Dei som opererte krana var i nærleiken. Då dei merka at det tok til å røre seg over dei kom dei seg heldigvis bort frå raset.
– Var det mykje skade på bilen som vart treft?
– Det har vi ikkje fullt oversyn over enno. Det skal ryddast rundt bilen i dag. Men eg reknar med at det er noko skade.
Vegen var stengd nokre timar torsdag inntil ein geolog hadde vore på staden og vurderte det som trygt å opne att.
Rasfarleg område
Nilsen seier at det er eit utfordrande område å arbeide i.
– Det er difor vi er der, for å sikre mot ras.
Han reknar med at arbeidet skal vere ferdig i slutten av november.
Natt til laurdag og natt til søndag blir fylkesveg 53 stengd på staden på grunn av arbeid som skal utførast.