Før var julehandelen god butikk for handelsstanden. Dei siste åra vel stadig fleire og fleire forbrukarar å gjennomføre julehandelen frå godstolen i si eiga stove.
Slikt uroar handelsstanden.
- LES OGSÅ:
– Vårt fokus er at folk prøver å handle lokalt, så verdiskapinga skjer i Eid, seier leiar for Nordfjord senter, Oddvin Hansen.
Flest handlar på nett
I Eid har handelsstanden gått saman med lokalavisa for å promotere lokal handel. For her i fylket vil 23 prosent av innbyggjarane handle sine julegåver på nett.
- LES OGSÅ:
Det er flest i Norge, etterfølgd av Hedmark (12 prosent) og Aust-Agder (11 prosent). Hansen meiner desse går glipp av ein vesentleg ting.
- LES OGSÅ:
– Den gode servicen, smilet og den gode handleopplevinga er ikkje så lett å få til på nettet, seier han.
Både nett og butikk
Amund Gotteberg hos Glassmagasinet i Måløy såg for mange år sidan at kundane var i ferd med å endre handlemønsteret. For å tilpasse seg kundane, kjøpte han domenet glassmagasinet.
- LES OGSÅ:
Det angrar han ikkje eitt sekund på. I dag går tida fram mot jul til å sende hundrevis av pakkar til heile landet.
– For oss har det vore gode erfaringar, og vi har auka omsetnaden, seier han.
– Vi klarer å halde eit breitt sortiment som vi ikkje ville hatt utan å ha internett som marknadsplass. Det kjem også dei lokale kundane til gode, legg Gotteberg til.
