NRK Meny
Normal

Alberte (16) blir saksøkt av gruveselskap etter demonstrasjonar

VEVRING (NRK): Alberte Tennøe Bekkhus (16) kan måtte stå økonomisk ansvarleg for milliontapa når Nordic Mining går til søksmål mot demonstrantane.

Alberte demonstrerar mot Nordic Mining sine planar på Engebøfjellet.

BLIR ARRESTERT: Då Alberte aksjonerte vart ho boren vekk av politiet og seinare bøtelagt. Foto/redigering: Aleksander Åsnes.

– Eg tykkjer det er skikkeleg urettferdig, seier Tennøe Bekkhus.

Sekstenåringen frå Moss er ein av mange som har lenka seg fast til anleggsmaskinene på Engebøfjellet dei siste vekene. Målet var å hindre Nordic Mining i å prøvebore etter mineralet rutil.

No kan det vise seg at demonstrasjonane har vore så vellukka at Nordic Mining har gått på store tap. I utgangspunktet skulle det ta om lag åtte veker å undersøkje fjellet for rutil, men ifølgje direktør Ivar Fossum har dei vorte kraftig forseinka.

Forsøkjer å dekkje inn tapa

For å dekkje inn tapa går Nordic Mining til private søksmål mot kvar enkelt demonstrant som har lenka seg fast.

Bekkhus reagerer sterkt på at ho kan måtte vere med på å erstatte tapa til utbyggjaren på Engebøfjellet.

– Eg er rett og slett forbanna på Nordic Mining, det er jo dei som planlegg alvorleg miljøkriminalitet. Dei fleste av demonstrantane er studentar og unge folk som ikkje har god råd. Det er direkte upassande at eit styrtrikt selskap ifrå Aker Brygge skal saksøkje så unge menneske, seier Tennøe Bekkhus.

Alberte og politiet

ARRESTERT: Alberte vert arrestert av politiet i Førde og Naustdal for å ha stogga arbeidet til Nordic Mining ulovleg

Foto: Aleksander Åsnes / NRK

Sjølv om det kjem som eit sjokk at ho vert saksøkt, angrar ho ikkje på at ho tok turen til Vevring og Førdefjorden.

– For denne saka er eg villig til å gå så langt som eg må.

– Dette skulle ho ha tenkt over før

Direktør i Nordic Mining Ivar Fossum har ingen sympati med Bekkhus

– Dette skulle ho ha tenkt over før ho bestemte seg for å forstyrre arbeidet vårt. Desse demonstrasjonane har ført til tap i millionklassen for oss, og no går vi til søksmål for å forsøke å dekkje inn desse tapa.

Aksjonistar i rettsal, aksjonistar lenkar seg fast på Engebøfjellet
Teaterfestivalen i Fjaler  
Frida Melvær møtte innbygarane dagen derpå