Dah lopme jih tjuengele måekie-gaskem dellie gujht biejjie aaj vihth plijresti, dagkeres gijre biejjien Raarhvihkesne. Daate lea voestes aejkien Saemiedigkien presidente Aili Keskitalo Raarvihkesne.
Beetneh-vierhtiem nuhtjedh.
Saemiedigkie edtja gaajhkh guektiengiele tjïelti jih fylhketjielteh gujmie daan gijren gaavnedidh jih digkiedidh guktie tjielth daejtie guektiengiele beetneh-viertide nuhtjieh. Edtjieh åahpanidh dah tjieltiej gujmie, gusnie saemieh jieleminie. Daate lea daerpies jeahta saemiedigkien presidente Aili Keskitalo.
–Saemiedigkie ååtje 75 miljovnh kr, giele barkose jih dejstie 50 miljovnh kr maeksebe tjielti jih fylhketjieltide giele reeremedajvesne. Vihkeles dah tjielth beetneh- vierhtiem riektes-laakan nuhtjieh.
Raarvihken tjielte lea dihte minngemes tjielte, mij lea daan gïele reereme dajvese tjaangeme, tsiengelen 1.b. 2013. Dah dellie åådtje 2.5 miljovnh kr fierhten jaepien. Eah leah buektiehtamme gaajhk beetnegh daejman nuhtjedh. 300 000 kr åebrelen, maam kanne tjuerieh bååstede saemiedægkan maeksedh. Gellieh tjielth, tjuerieh bååstede maeksedh jeahta Keskitalo.
Bååstede Saemiedægkan maeksedh.
– Eah gaajhkh tjielti dah sijjien prosjeektide buektedh darjodh. Jih dellie tjuerieh bååstede maeksedh, jeahta Keskitalo.
Raarvijhken tjielte, sæjhta daejtie beetnegh mij åebrelen daejmatjistie, daan jaepien 2014 nuhtjedh, jeahta Raarvihken tjielten raerieålma Ole Jørgen Rødøy.
– Mijjieh seejnes jih soejkesjamme barkojne aelkedh jih guhkiem eannan gïelebarkijde gaavnimh jeahta Rødøy.
Haesteme
–Stoerre barkoe gaajhkesidie jaksedh. Tjoeveribie sagke buerebe bievnedh jih daarjomes gaavnedh mij saemide sjeahta. Tjoeveribie aaj jienebh lohketæjjah ohtsedh, mij saemien gielem maehtieh jeahta Rødøy.
Skilth saemiengïelesne.
– Akte aamhtese lea guktie edtjebe Raarvihkem, saemien gïelesne tjaeledh. Departemeent daam daelie giehtjeminie, guktie edtjebe tjaeledh. Gåessie daan bijre nænnoestamme dellie edtjebe dah geajnoe jih gåetie skiltide bertedh. Dihte geasan sjædta jeahta Rødøy.
Gaskevåhkan edtja Saemiedigkie Snåasen tjieltem gaavnedidh.
Rørosen jih Aarborten tjielth goerehtalleminie jis edtjijægan guektiengïelen tjielte sjidtedh.