Ođđa dutkamuš galgá nannet sámegieloahpahusa
Dál áigot viđa Norgga universitehta dutkit buoredit sámi mánáid dili SpedAims Váibmogiella -dutkanprošeavtta bokte.
– Sihkkarastin dihtii pedagogalaš fálaldagaid kvalitehta maiddái sámi mánáide Norggas, de lea sihke lunddolaš ja dárbbašlaš ahte gávdno iešheanalis dutkan mii dahkko min riikka golmma almmolaš sámegiela várás, lohká dutkanbargguid jođiheaddji, Davvi universitehta pedagogihkkaprofessor Bjørg Mari Hannås.
SpedAims Váibmogiella -dutkanprošeavttas guorahallet movt sii iešguđet láhkái sáhttet doarjut sámi mánáid, gielalaš, fágalaš ja sosiálalaš oahppan- ja ovdánanvejolašvuođaid Norggas. Guorahallan fátmmasta mánáid sihke davvisámegielat, julevsámegielat ja lullisámegielat birrasiin ja guovlluin.