Jon Henrik Fjällgren beasai viiddasabbot finálii ruoŧa Melodisfestivála oassegilvvus lávvardaga Göteborgas. Fjällgren, Arc North ja Adam Woods serve «Where you are (Sávežan)» šuoŋain. Lávlla oaččui eanemus jienaid gehččiin. Finála lea Stockholmmas boahtte mánus. Dat guhte vuoitá dalle beassá ovddastit Ruoŧa Eurovision lávlungilvvus Liverpoolas miessemánus. Fjällgren dadjá sámeradioi iežas dán vuoru návddašit leat mielde Melodifestiválas.
Alimusriekti ii vel leat cealkán duomu Kárášjoga-áššis. Nu lea ge ain eahpečielggas galgá go dušše Finnmárkkuopmodat (FeFo) hálddašit ealgabivddu Finnmárkkus, vai gártá go juogadit dán barggu Kárášjoga gieldda ássiin.
FeFo lea otne almmuhan ahte sii dat goit ráhkkanit ealgabivdoválaid juohkimii, go dál lea juo miessemánnu.
– Dán jagáš ealgabivddu almmuheapmi lea maŋiduvvon vuorddedettiin duomu Kárášjoga áššis, muhto mii leat gergosat almmuhit bivddu nu jođánit go duopmu lea celkon, čállá FeFo.