Finnmárkokommišuvdna lea geargan ođđa guovllu guorahallat

Hopp til innhold

Finnmárkokomišuvdna almmuhii miessemánu 10. beaivve jagis 2013 álggaheami Oarje Várnjárggas (6. guovlu). Dán guvlui gullet Bearalváhki ja Báhcavuona gielddat.

Dán čavčče gerge dáinna bargguin.

Finnmárkokomišuvdna galgá kártet Finnmárkkuopmodaga eatnamiid ja luondduvalljodagaid dálá geavahan- ja eaiggátvuoigatvuođaid. Dát mearkkaša ahte komišuvdna galgá čielggadit daid vuoigatvuođaid duhkodaga ja sisdoalu maid finnmárkolaččat sáhttet leat oamastan alcceseaset dáid eatnamiin meahccevalljodagaid guhkesáiggi geavaheami bokte.

Kommišuvnna lahtut leat;

• Jon Gauslaa (jođiheaddji)
• Hilde Agathe Heggelund
• Ole Henrik Magga
• Veronica Andersen

Finnmárkokomišuvnna bargovuohki lea mearriduvvon finnmárkkulága §§ 30.- 35.

Komišuvdna galgá juohkit Finnmárkku dárkilat ráddjejuvvon čielggadanguovlun (fealtan).

Komišuvdna mearrida ieš guđe guovllus áigu álggahit barggus, ja man ortnegis iešguđet guovllut galget gieđahallojuvvot.

Finnmárkokomišuvnna čilgendoaibma ii leat dan duohken ahte muhtun áššebealli dárbbaša čuoččaldahttit ášši ovdalgo komišuvnda sáhttá čielggadišgoahtit vuoigatvuohtadiliid.

Ođđasat - Davvisámegillii

2. mai 2024 kl. 20:15
Nammaduvvon dieđainstituhtaid searvvi ságadoallin

Suoma kultuvra- ja dieđainstituhtaid searvi lea válljen Pirita Näkkäläjärvi ságadoallin čuovvovaš golmma jagi badjái.

Näkkäläjärvi doaibmá dálá dilis Sámedikki ságadoallin ja lea maiddái nákkosgirjedutki.

Näkkäläjärvi lea leamaš Suoma kultuvra- ja dieđainstituhtaid searvvi stivrra várrelahttun jagi 2023 rájes.

Suoma kultuvra- ja dieđainstituhtaid searvi earret eará nanne instituhtaid doaibman vejolašvuođaid ja lasiha ipmárdusa instituhtaid doaimmaid váikkuheamis.

Foto: Suoma Sámediggi
Ođđasat - Davvisámegillii

2. mai 2024 kl. 19:53
FeFo lea almmuhan dieđuid Finnmárkku ealgabivddu birrra

Alimusriekti ii vel leat cealkán duomu Kárášjoga-áššis. Nu lea ge ain eahpečielggas galgá go dušše Finnmárkkuopmodat (FeFo) hálddašit ealgabivddu Finnmárkkus, vai gártá go juogadit dán barggu Kárášjoga gieldda ássiin.

FeFo lea otne almmuhan ahte sii dat goit ráhkkanit ealgabivdoválaid juohkimii, go dál lea juo miessemánnu.

– Dán jagáš ealgabivddu almmuheapmi lea maŋiduvvon vuorddedettiin duomu Kárášjoga áššis, muhto mii leat gergosat almmuhit bivddu nu jođánit go duopmu lea celkon, čállá FeFo.

FeFo:s lea buorre jáhku ahte duopmu boahtá miessemánu mielde. Seammás eai loga sáhttit vuordit almmuhemiin, jus duopmu ádjána vel eanet.

Danne lea FeFo mearridan ahte maŋimusat miessemánu 27. beaivvi goit almmuhit bivddu, ja ealgaválaid ohcanáigemearri gártá de geassemánu 6.beaivvi.

Ealgaválaid vuorbádeapmi gárttašii de geassemánu gaskamuttus.

Jos duopmu boahtá árabut, de sirdašuvvá maid ohcanáigemearri, čállá FeFo.

Ođđajagimánus dat almmuhii FeFo ahte sii eai dán jagi almmut ealgabivddu, ovdalgo Alimusriekti lea cealkán duomu Kárášjoga-áššis. Dát eaddudii olu olbmuid.

Foto: Lemet Johanas Nystad
Ođđasat - Davvisámegillii

2. mai 2024 kl. 18:20
Cuoŋománus ii leat Davvi-Norggas leamaš 33 jahkái nu buolaš go dán jagi

– Čoavddatmohkis Kárášjogas mihtidedje - 32,9 gráda cuoŋománu 5. beaivve. Nie buolaš ii leat 33 jahkái leamaš cuoŋománus Norggas.

Nu muitala Meteorologálaš instituhta dálkkádatdutki Jostein Malmen NRK:i.

Mannan mánus ledje 17 nu gohčoduvvon buolašolahusa Norggas, ja eanemus buolaš lei Finnmárkkus.

Golggotmánu rájes diibmá leat dálkkádatdutkit oaidnán ahte Norggas ja Skandinávias eanaš lea leamaš čoaskásat dálkkit go dábálaččat. Eurohpás muđuid lea ges leamaš nuppe láhkai. Doppe lea leamaš lieggasat dálki go ovddit jagiid.

Foto: Nils John Porsanger / NRK