Boazodoalli Ellinor Guttorm Utsi ii jáhke ahte geahpedit albasiid ja geaŧkkiid unnida riidduid gaskkal boazodoalu ja fápmohuksejeddjiid Gaska- ja Davvi-Norggas.

– Bidjen stuora gažaldaga ja leaikka Facebookii: Lihkkus leat mis boránávddit,daid beassat lonuhit bieggamilluiguin, dadjá Guttorm Utsi.

Son ii daja iežas ipmirdit sisdoalu das maid ráđđehus árvala, muhto sin ulbmila goitge ipmirda.

– Go oainnán dáid doaibmabijuid, dat leat danin go háliidit hukset. Dál lea dušše vel mo áigot eastadit riidogaskavuođaid, dadjá Guttorm Utsi.

Ráđđehus lea árvalan geahpedit borasspiriid Norggas, doaibmabidjun go huskejit ođđa fámu boazodoalloguovlluin.

Norgga Boazosápmelaččaid Riikkasearvi (NBR) lea muhtun muddui duđávaš das mii árvaluvvo, muhto ráđđehus livččii galgat leat čielgasat das ahte mo galget suddjet eatnamiid maid boazodoallu atná.

– Mii leat guhká bargan oažžut ráđđehusa ipmirdit borasspirehástalusa, dát addá liibba viidáset gulahallat ráđđehusain, dadjá jođiheaddji Inge Even Danielsen.

Maiddái sámediggeráđđi Juhána Biera Biret Márjá lea positiiva osiide doaibmabijuin, nu mo ahte áigot dahkat juoidá borasspiriiguin. Muhto son váillaha ahte goaskin ii namuhuvvo.

– Mii leat Sámedikkis geasset leamaš čoahkkimis departemeantain deattuhan, ja leat duhtavaččat ahte leat váldán vuhtii dan. Muhto sii fállet ahte ovdal boahtte guottetáiggi galget dát doaibmabijut leat jođus, dat stuorámus speajár giđđat mii váldá ruksesmisiid.

– Livččiimet vuordit ahte mis leat konsultašuvnnat ovdal, ja dan goit dál vuordit ahte beassat duođalaččat fárus go dáinna páhkain barget viidáseappot.